ដោយៈ គង់ ម៉ាលីនណា
សៀមរាបៈ លោក ពិន ប្រាកដ អភិបាលរងខេត្តសៀមរាប បានធ្វើបដិសណ្ឋារកិច្ច និងជូនដំណើរគណៈប្រតិភូជាន់ខ្ពស់នៃសភាប្រឹក្សានយោបាយប្រជាជនចិន ធ្វើទស្សនកិច្ចនៅតាមប្រាសាទនិងរមណីយដ្ឋានអង្គរ។
ដំណើរទស្សនាចរនេះ ដឹកនាំដោយលោកចាង ឈិងលី (ZHANG Qingli) អនុប្រធានសភាប្រឹក្សានយោបាយប្រជាជនចិនទី ១៣ ហៅកាត់ថា (CPPCC) និងជាប្រធានក្រុមប្រឹក្សាសេដ្ឋកិច្ច និងសង្គម នៃសាធារណរដ្ឋប្រជាមានិតចិន។
ក្នុងអំឡុងពេលបំពេញទស្សនកិច្ចនេះ គណៈប្រតិភូ បានអញ្ជើញមកធ្វើទស្សនកិច្ច នៅខេត្តសៀមរាប ចាប់ពីថ្ងៃទី២១ ដល់ថ្ងៃទី២២ ខែមេសា ឆ្នាំ២០២៤ ហើយប្រតិភូខេត្ត ក៏បានអមដំណើរប្រតិភូជាន់ខ្ពស់ នៃសភាប្រឹក្សានយោបាយប្រជាជនចិន ដឹកនាំដោយលោកZHANG Qingli) អនុប្រធានសភាប្រឹក្សានយោបាយប្រជាជនចិនទី ១៣ ហៅកាត់ថា (CPPCC) និងជាប្រធានក្រុមប្រឹក្សាសេដ្ឋកិច្ច និងសង្គម នៃសាធារណរដ្ឋប្រជាមានិតចិន ដើម្បីទស្សនា ប្រាសាទអង្គរវត្ត ប្រាសាទបាយ័ន និងប្រាសាទតាព្រហ្ម ក្នុងតំបន់រមណីយដ្ឋានអង្គរ ផងដែរ៕
