ដោយ: គង់ លាងហួរ
បាងកក: KingBridge Tower Co ដែលជាបុត្រសម្ព័ន្ធមួយរបស់ក្រុមហ៊ុន Saha Group បានបោះទុនចំនួន៦ពាន់លានបាត(ប្រហែល១៧៨,០៩លានដុល្លារ) ដើម្បីសាងសង់ប៉ម KingBridge Tower ដោយផ្តោតលើការិយាល័យសម្រាប់ជួល។
ដោយមានទីតាំងនៅតាមបណ្ដោយស្ពាន Bhumibol និងផ្លូវ Rama III ប៉មនេះត្រូវបានជ្រើសរើស ជាគម្រោងសាកល្បងសម្រាប់ការអភិរក្សថាមពល និងបរិស្ថាន។ នេះបើយោងតាមសារាចរណ៍សេដ្ឋកិច្ចក្នុងក្រុមឧស្សាហកម្មសំណង់។
ប៉មនេះកំពុងត្រូវបានសាងសង់ ដោយក្រុមហ៊ុន KingBridge Tower Co ព្រមទាំងដៃគូសំណង់ថៃ និងអន្តរជាតិរបស់ខ្លួនមានដូចជា Architects 49 ដែលជាក្រុមហ៊ុនស្ថាបត្យកម្មសំខាន់ ដែលទទួលខុសត្រូវលើការរចនាអគារ ទីប្រឹក្សាវិស្វកម្មដ៏ល្បីល្បាញលើពិភពលោក Mott MacDonald ដែលបានឌីហ្សាញរចនាសម្ព័ន្ធវិស្វកម្មនៃស្ពាន Bhumibol ដោយខ្លួនវាផ្ទាល់ ក្រុមហ៊ុន Thai Obayashi Corp ដែលជាអ្នកម៉ៅការសំខាន់ សម្រាប់ការសាងសង់ក្រុមហ៊ុន Stonehenge Inter អ្នកគ្រប់គ្រងគម្រោង និងក្រុមហ៊ុន YSH សម្រាប់ការងារ facade ។
លោកស្រី Thaninthorn Chokwatana នាយកគម្រោង KingBridge Tower បានមានប្រសាសន៍ថា “អគារនេះមានគោលបំ ណ ងអភិវឌ្ឍសហគមន៍នៅតំបន់ Rama III និងលើកកម្ពស់ការងារ”។ខណ្ឌ Rama III ក៏ជាតំបន់សេដ្ឋកិច្ចយុទ្ធសាស្ត្រ តភ្ជាប់ផ្លូវសំខាន់ៗក្នុងទីក្រុងបាងកក រួមទាំង Saton និង Silom ដែលកំពុងបម្រើតម្រូវការកើនឡើងសម្រាប់អាជីវកម្ម និងលំនៅឋាន។លោកស្រីបានបន្តទៀតថា “យើងសម្រេចចិត្តអភិវឌ្ឍគម្រោង KingBridge Tower ឱ្យក្លាយទៅជាស្ថាបត្យកម្ម បែបនិមិត្តរូបអមនឹងស្ពាន Bhumibol ក៏ដូចជាមោទនភាពរបស់មនុស្ស ក្នុងសហគមន៍របស់យើងផងដែរ”។
KingBridge Tower គឺជាអគារខ្ពស់កប់ពពក ដំបូងបង្អស់របស់ក្រុមហ៊ុន Saha Group ក្នុងប្រវត្តិសាស្ត្រ៨០ឆ្នាំរបស់ខ្លួន។លោកស្រី Thaninthorn បានមានប្រសាសន៍បន្ថែមថា “យើងមានបំណងលើកកម្ពស់អគារ KingBridge Tower ជាចំណុចកណ្តាលដែលក្រុមហ៊ុន និងអង្គការនានាចូលរួមកម្លាំងគ្នា ដើម្បីផ្តល់សម្រា ប់សហគមន៍ និងសង្គម”៕
