ដោយ: គង់ លាងហួរ
ហ្សាការតា: ប្រទេសចិន និងសមាគមប្រជាជាតិអាស៊ីអាគ្នេយ៍ (អាស៊ាន) មានឆន្ទៈធ្វើការរួមគ្នា ដើម្បីលើកកំពស់ភាពជាដៃគូយុទ្ធសាស្ត្រគ្រប់ជ្រុងជ្រោយរបស់ពួកគេ ទៅកាន់កម្រិតខ្ពស់ថ្មីមួយ។
នៅក្នុងជំនួបជាមួយអនាគត រដ្ឋមន្ត្រីការបរទេសចិន លោក Qin Gang កាលពីពេលថ្មីៗនេះ អគ្គលេខាធិការអាស៊ាន លោក កៅ គឹមហួន បានវាយតម្លៃខ្ពស់ ចំពោះសារៈសំខាន់ដ៏យូរអង្វែង ដែលចិនបានភ្ជាប់ជាមួយអាស៊ាន និងការគាំទ្រដ៏មានតម្លៃរបស់ខ្លួន សម្រាប់សមាហរណកម្មអាស៊ាន ដោយចិនគឺជាប្រទេសសំខាន់ដំបូងគេ ដែលបានចូលរួមសន្ធិសញ្ញាមិត្តភាព និងកិច្ចសហប្រតិបត្តិការក្នុងតំបន់អាស៊ីអាគ្នេយ៍ ហើយក៏ជាដៃគូយុទ្ធសាស្ត្រដ៏សំខាន់របស់អាស៊ានផងដែរ។
អគ្គលេខាធិការអាស៊ានរូបនេះបានមានប្រសាសន៍ថា ទំនាក់ទំនងរវាងភាគីទាំងពីរ ត្រូវបានធ្វើឱ្យប្រសើរឡើងជាយុទ្ធសាស្ត្រ ហើយកិច្ចសហប្រតិបត្តិការត្រូវបានធ្វើឱ្យស៊ីជម្រៅ ជាមួយនឹងការបង្កើនទំនុកចិត្តគ្នាទៅវិញទៅមក។
លោក Qin Gang បានថ្លែងនៅក្នុងកិច្ចប្រជុំថា អាស៊ានគឺជាអង្គការសហប្រតិបត្តិការក្នុងតំបន់ ដែលទទួលបានជោគជ័យបំផុត ហើយជំហររបស់អាស៊ានកាន់តែមានសារៈសំខាន់ ស្របពេលមានការផ្លាស់ប្តូរយ៉ាងជ្រាលជ្រៅនៅក្នុងទិដ្ឋភាពពិភពលោក និងតំបន់។
លោកបានមានប្រសាសន៍ថា ភាពជាដៃគូយុទ្ធសាស្ត្រគ្រប់ជ្រុងជ្រោយចិន- អាស៊ានកំពុងអភិវឌ្ឍក្នុងសន្ទុះដ៏រ៉ឹងមាំ ដោយលោកបានកត់សម្គាល់ថា ឆ្នាំនេះជាខួបលើកទី១០ នៃការកសាងសហគមន៍ចិន-អាស៊ានជាមួយនឹងអនាគតរួមគ្នា និងគំនិតផ្តួចផ្តើមខ្សែក្រវាត់ និងផ្លូវ ក៏ដូចជាខួបលើកទី២០ នៃការចូលជាសមាជិករបស់ចិន ក្នុងសន្ធិសញ្ញាមិត្តភាព និងកិច្ចសហប្រតិបត្តិការនៅតំបន់អាស៊ីអាគ្នេយ៍ផងដែរ។
ប្រទេសចិនមានឆន្ទៈក្នុងការបន្តជំរុញការកសាង “ផ្ទះទាំងប្រាំ” ជាមួយអាស៊ាន ពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយ រវាងភាគីទាំងពីរជានិច្ច និងបន្តគាំទ្រលេខាធិការដ្ឋានអាស៊ាន ក្នុងការរួមគ្នាលើកកម្ពស់សមិទ្ធិផលថ្មីៗ ក្នុងកិច្ចសហប្រតិបត្តិការចិន-អាស៊ាន និងកិច្ចសហប្រតិបត្តិការអាស៊ីបូព៌ា៕