ដោយ: លាងហួរ
វៀងច័ន្ទ: រដ្ឋាភិបាលជប៉ុន គ្រោងផ្តល់ថវិកាចំនួន៦,១លានដុល្លារអាមេរិក ដើម្បីផ្តល់ហិរញ្ញប្បទានដល់ឧបករណ៍ ដែលត្រូវការដើម្បីស្តារផ្លូវ ដែលខូចខាតនៅក្នុងប្រទេសឡាវ។
ពិធីចុះហត្ថលេខាលើការផ្លាស់ប្តូរកំណត់ចំណាំ សម្រាប់ផែនការអភិ វឌ្ឍន៍សេដ្ឋកិច្ច និងសង្គម (ការផ្តល់ឧបករណ៍ជួសជុលផ្លូវ) ត្រូវបានរៀបចំឡើងនៅក្រសួងការបរទេស ក្នុងទីក្រុងវៀងចន្ទន៍កាលពីថ្ងៃព្រហស្បតិ៍ ទី២២ ខែធ្នូ។
កិច្ចព្រមព្រៀងនេះ ត្រូវបានចុះហត្ថលេខាដោយលោក Phoxay Khaykhamphithoune អនុរដ្ឋមន្ត្រីក្រសួងការបរទេសឡាវ និងលោក Takei Shunsuke រដ្ឋមន្ត្រីកិច្ចការបរទេសជប៉ុន។
គម្រោងជួសជុលផ្លូវក្នុងប្រទេសឡាវនេះ នឹងត្រូវបានអនុវត្តជាលើកដំបូង នៅក្នុងតំបន់ភាគខាងត្បូងនៃប្រទេសឡាវ ជាមួយផែនការនាពេលអនាគត នឹងពង្រីកនៅទូទាំងប្រទេស។
រដ្ឋាភិបាលជប៉ុន បានឧបត្ថម្ភការសាងសង់ហេដ្ឋារចនាសម្ព័ន្ធ ក្នុងតំបន់មួយចំនួនក្នុងប្រទេសឡាវ រួមមានស្ពាន Pakse ផ្លូវជាតិលេខ៩ និងផ្លូវជាតិលេខ១ ក្នុងទីក្រុងវៀងចន្ទន៍ផងដែរ។
រដ្ឋាភិបាលជប៉ុន ក៏នឹងផ្តល់ជំនួយឥតសំណងចំនួន៥០០លានយ៉េន (ប្រហែល៣,៧៦លានដុល្លារអាមេរិក) ដល់ប្រទេសឡាវ ក្នុងការរៀបចំធ្វើជាម្ចាស់ផ្ទះ នៃកិច្ចប្រជុំអាស៊ាននៅឆ្នាំ២០២៤ផងដែរ៕
