ដោយៈ សាវុធ
ភ្នំពេញៈ សម្រាប់ប្រជាជនខ្មែរ អាយុវ័យប្រៀបបាននឹងវ័យ ដែលនៅក្មេងខ្ចីនៅឡើយ អ្នកខ្លះទើបតែបញ្ចប់វិទ្យាល័យ និងស្ថិតក្នុងបន្ទុកឪពុកម្ដាយ ដោយឡែកមានមួយចំនួនតូចក៏មានភាពឯករាជ្យ និងជោគជ័យក្នុងជីវិតជាហូរហែរ។
ខុសពីនៅបរទេស កូនៗរបស់ពួកគេមានសេរីភាព និងឯករាជ្យក្នុងការទទួលខុសត្រូវចំពោះជីវិតរបស់ពួកគេ។ ខាងក្រោមនេះជាអ្វីដែលយុវជនខ្មែរ គួរចាប់ផ្ដើមធ្វើនៅអាយុ២០ ដើម្បីឲ្យរស់ស្រួលពេលអនាគត៖
ទី១) សាកល្បងវិនិយោគ
មិនចាំបាច់ដល់ត្រូវប្រើទុនធំ ដើម្បីវិនិយោគក្នុងការរកស៊ីនោះទេ ហើយក៏មិនគួរទុកលុយដើម្បីចាយសប្បាយនោះដែរ។ សាកលោមើល បរាជ័យឬជោគជ័យ សុទ្ធតែចំណុចដែលត្រូវរៀន។
ឧទាហរណ៍៖ យុវជនខ្មែរមួយចំនួនបង្កើតមុខ របរលក់ខោអាវអនឡាញ នាំយកគ្រឿងសម្អាងពីបរទេសមកលក់ ខ្លះទៀតបើកខាងកាហ្វេជាដើម។
ទី២) យល់ដឹងអំពីបំណុលល្អនិងបំណុលអាក្រក់
មិនចាំបាច់ដល់អាយុច្រើន មានការងារធ្វើលុយរាប់ម៉ឺនក្នុងដៃទើបយល់ ទើមដឹងនោះទេ។ បំណុលល្អគឺជាប្រាក់កម្ចីណា ដែលជួយបង្កើនចំណូលត្រឡប់មកវិញ ដូចជាការយកទៅរកស៊ីជាដើម។ តែបំណុលអាក្រក់គឺជាប្រាក់កម្ចីណា ដែលខ្ចីទៅហើយបន្ថែមបន្ទុកដល់អ្នក ដូចជាខ្ចីយកទៅទិញសម្ភារៈនិយមណា ដែលអ្នកមានលទ្ធភាពសង។
ទី៣) សន្សំសម្រាប់ពេលចូលនិវត្តន៍
ស្ដាប់ទៅដូចមិនសម និងមិននិយមសម្រាប់យុវជនខ្មែរ ព្រោះអ្នកនៅក្មេងពេកទើបតែ
២០ហ្នឹង យ៉ាងណាមិញការសន្សំមានអ្វីមិនល្អ សន្សំពីក្មេងសល់លុយច្រើនពេលចាស់ទៅអាចយក ទៅធ្វើអ្វីដែលអ្នកចង់ធ្វើពេលចាស់ទៅ ឬឈឺថ្កាត់ជាដើម។
ទី៤) បង្កើតមូលនិធិសម្រាប់ពេលអាសន្ន
អ្នកណាទៅមើលឃើញព្រេងវាសនា អ្នកអាចជួបញ្ហាណាមួយ ដោយមិនបានត្រៀមនិងត្រូវការប្រាក់ដើម្បីដោះស្រាយ ដូចជាពេលឡានខូច ពេលឈឺថ្កាត់ ឬឧបទ្វហេតុនានា៕ Spean៕