ដោយៈ សាវុធ
ភ្នំពេញៈ ប្រជាជនខ្មែរមួយចំនួនធំតែងរអ៊ូថា អ្នកមានគេកាន់តែមាន ចំណែកអ្នកក្រកាន់តែក្រ។ ស្ដាប់ទៅត្រូវដែរ តែអ្នកភ្លេចគិតហើយថា អ្នកមានមួយចំនួនមានមុខមាត់ទ្រព្យសម្បិត្តមកដល់ថ្ងៃនេះ សុទ្ធសឹងតែចេញពីការខំប្រឹងដូចគ្នា។
អ្នកមិនចាំបាច់ខំលោតហក់តាមពួកគេនោះទេ តែអ្នកគួរតែអនុវត្តតាមទម្លាប់របស់ពួកគេតាមលទ្ធភាពដែលអ្នកមាន ខាងក្រោមនេះជាអ្វីដែលអ្នកមានតែងធ្វើ៖
១ វិនិយោគក្នុងរយៈពេលវែង
ខុសពីមនុស្សធម្មតាដែលតែងតែរកប្រាក់ មកត្រឹមមួយគ្រប់ៗចាយ និងថ្លៃកូនៗទៅសាលាប៉ុណ្ណោះ។ ដោយឡែកពួកគេអ្នកមានបានសម្រេចចិត្តវិនិយោគ ទៅលើអ្វីដែលហុចផលប្រយោជន៍ ក្នុងរយៈពេលយូរនាពេលអនាគត។ ឧទាហរណ៍ អ្នកមានមួយចំនួន យកប្រាក់សាងសង់អាផាតមិនរាប់ជាន់ អស់លុយរាប់លានសម្រាប់ដាក់ជួល អ្វីដែលពួកគេទទួលបាន គឺប្រាក់ប្រចាំខែក្នុងរយៈពេលយូរ ទោះបីពួកគេចូលនិវត្តន៍ក៏មិនបារម្មណ៌រឿងមានលុយចាយឬក៏អត់។
២ វិនិយោគលើភាគហ៊ុននិងមូលប័ត្រ
ចំណុចនេះ ហាក់ដូចជាមិនសូវប្រជាប្រិយប៉ុន្មានទេនៅកម្ពុជា យ៉ាងណាមិញអ្នកមានមួយចំនួនពួកគេបានក្ដោបក្ដាប់ឱកាសនេះ ដោយទិញយកភាគហ៊ុន ឬមូលប័ត្រមួយចំនួនធំទុកនៅតម្លៃថោក ហើយលក់ចេញទៅវិញពេលមានទីផ្សារឡើងថ្លៃ។ នេះជាវិធីសាស្ត្រលុយបង្កើតលុយ។
៣ វិនិយោគលើទ្រព្យរូបិយ
ជាសាមញ្ញទ្រព្យរូបិយ គឺជាអចលទ្រព្យដែលកាន់កាប់ ពោលគឺជាផ្ទះ ដីស្រែ ដីចំការ។ នៅពេលមានលុយច្រើន ពួកគេតែងទិញផ្ទះទុកជួល ឬដីរាប់រយហិចតា ដើម្បីធ្វើកសិកម្មដាំដុះនានា ចៀសវាងទុកដីទំនេរចោល ហើយឆ្លៀតរកចំនូលបន្ថែម។
ម្យ៉ាងវិញទៀត អចលនទ្រព្យទាំងនេះ កាន់យូរកាន់តែឡើងថ្លៃ ទៅតាមហាងឆេងទីផ្សារ៕ Spean៕
