ដោយៈសាវុធ
ភ្នំពេញៈ ការបើកអាជីវកម្ម ឬ ក្រុមហ៊ុន សហគ្រាសមួយ អ្នកនឹងមានរឿងជាច្រើនដែលអ្នកគួរធ្វើ និងយល់បានច្បាស់អោយស៊ីជម្រៅជាមួយនឹងកិច្ចទាំងអស់នោះ។
តើអ្នកដឹងទេថា អាជីវកម្ម ក្រុមហ៊ុន សហគ្រាសរបស់អ្នកត្រូវមានអ្វីខ្លះ? អ្នកត្រូវរៀបចំរចនាសម្ព័ន្ធ បទបញ្ជាផ្ទៃក្នុងរបស់អាជីវកម្មរបស់អ្នកយ៉ាងដូចម្ដេច? សហគ្រាសរបស់អ្នកត្រូវមានបុគ្គលប៉ុន្មាននាក់ តើមានផ្នែកអ្វីខ្លះ? ទាំងនេះជារឿងសំខាន់សម្រាប់អ្នកគួរតែរៀនសូត្រ ហើយតើរឿងទាំងនេះមានបង្រៀននៅណាដែរ?
១. រៀនពីមូលដ្ឋានគ្រឹះនៃសហគ្រាស ឬក្រុមហ៊ុន
អ្នកប្រហែលជាមិនធ្លាប់បានដឹងពីមុនមកទេថា អ្នកនៅមានចំណុចខ្វះខាតអ្វីខ្លះក្នុងការបើកអាជីវកម្មអ្វីមួយនោះ។ មានចំណេះ ជំនាញជាច្រើន ដើម្បីធ្វើអោយក្រុមហ៊ុន សហគ្រាសរបស់អ្នក អាចដំណើរការទៅបាន ហើយអ្នកមានឱកាសបានរៀនសូត្រចំណេះដឹងទាំងនេះ ដោយគ្មានបង់ប្រាក់មួយកាក់មួយសេននោះទេ។
នៅពេលដែលអ្នកធ្វើការអោយក្រុមហ៊ុន និងសហគ្រាសណាមួយ។ អ្នកអាចស្វែងយល់ពីអារម្មណ៍របស់អ្នក ពេលអ្នកធ្វើជាបុគ្គលិកអោយក្រុមហ៊ុនផ្សេងៗ និងទំនាក់ទំនងរវាងថ្នាក់ដឹកនាំជាមួយបុគ្គលិកកក្នុងក្រុមហ៊ុន។
២. ភាពខ្លាំងនៃអ្នកដឹកនាំ
ជារឿងធម្មតាទេ ក្រុមហ៊ុន សហគ្រាស ឬ មិនថាប្រទេសជាតិនោះទេ មានការរីកចំរើន ខ្លាំងខ្លា អាស្រ័យលើបុគ្គលម្នាក់ ដែលជាអ្នកដឹកនាំ ចង្អុលបង្ហាញបុគ្គលទៅរកទិសដែលជោគជ័យទាំងងស់គ្នា។ មិនតែប៉ុណ្ណោះអ្នកដឹកនាំមិនត្រឹមចេះតែ ជំនាញដឹកនាំនោះទេ អ្នកដឹកនាំត្រូវមានចំនេះដឹងទូលំទូលាយ មានទាំងជំនាញរឹង និង ជំនាញទន់ មានភាពបត់បែន និងឆ្លាតវៃ ក្នុងការដោះស្រាយបញ្ហាដែលនៅនឹងមុខទៀតផង។
៣. ស្គាល់មនុស្សច្រើន
ទោះក្នុងកិច្ចសង្គម អាជីវកម្ម ក្រុមហ៊ុន ឬសហគ្រាសក៏ដោយ ត្រូវការទំនាក់ទំនងជាចាំបាច់។ ក្នុងពេលដែលអ្នកកំពុងបំរើការងារអោយក្រុមហ៊ុនផ្សេង វាជាឱកាសសម្រាប់អ្នកស្វែងរកទំនាក់ទំនងដៃគូអាជីវកម្ម និងអតិថិជនរបស់ដែរ។
មនុស្សដែលអ្នកបានជួប បានស្គាល់ ពូកគេអាចជាក្លាយជាដៃគូ សហការ ឬដៃគូប្រកួតប្រជែងជាមួយអ្នកក៏ថាបាន ឬ ពួកគេអាចជាអតិថិជនប្រចាំក្រុមហ៊ុន ឬសហគ្រាសរបស់អ្នកក៏ថាបាន ដូច្នេះសូមរក្សាទំនាក់ទំនងជាមួយមនុស្សគ្រប់គ្នាដែលនៅជុំវិញអ្នក ទោះស្ថិតក្នុងកាលៈទេសៈណាក៏ដោយ។
៤. បានស្គាល់ខ្លួនឯង
កាលដែលអ្នកធ្វើការអោយអ្នកដទៃ ធ្វើអោយអ្នកបានអនុវត្តន៍វិជា្ជគុន របស់អ្នកដែលបានសិក្សារៀនសូត្រ តាំងពីយូរណាស់ហើយនោះ។ មានមនុស្សជាច្រើន ដែលមិនទាន់ស្គាល់ខ្លួនឯងបានច្បាស់នោះទេ ព្រោះពួកគេមិនដឹងថាចំណុចខ្លាំង ភាពពូកែ ឬ ចំណុចខ្សោយរបស់ពូកគេនៅត្រង់ណានោះទេ។
ដូច្នេះការដែលអ្នកធ្វើការអោយអ្នកដទៃ ធ្វើអោយមានឪកាសសង្កេត និងស្គាល់ខ្លួនឯងបានកាន់ច្បាស់ និងខិតខំសំលៀងចំណុចខ្លាំងរបស់អ្នក អោយកាន់តែពូកែ និងខិតខំរកចំណុចបន្ថែម មកកែលំអចំណុចខ្សោយរបស់អ្នកដូចគ្នា។
វាមិនទាន់យឺតពេលទេ បើអ្នកចាប់ផ្ដើមឥឡូវនេះ ក្ដីស្រមៃរបស់អ្នកមិនអាចក្លាយជាការពិតបានទេ បើអ្នកមិនចាប់ផ្ដើមធ្វើសកម្មភាពផងនោះ? ភាពតស៊ូ ក្លាហាន និង ភាពជឿជាក់ និងធ្វើអោយអ្នកបានទៅដល់គោលដៅជាក់ជាមិនខាន៕ Spean៕
