ដោយៈ សាវុធ
ភ្នំពេញៈ ជាធម្មតានៅពេលដែលអ្នកមានគ្រួសារក្នុងបន្ទុក វាមានសារៈសំខាន់ណាស់ ក្នុងការយល់ដឹងពីរបៀបរៀបចំទុកដាក់ថវិកា និងហិរញ្ញវត្ថុឲ្យបានត្រឹមសម្រាប់បច្ចុប្បន្ន នឹងនាពេលអនាគត ព្រោះអ្នកមិនមែនខ្លួនមួយទៀតឡើយ។
គន្លឹះសំខាន់នៃរបៀបគ្រប់គ្រងប្រាក់ នៅក្នុងគ្រួសាររបស់អ្នកឲ្យមានភាពជោគជ័យមានដូចខាងក្រោម៖
ដាក់គោលដៅ
នៅពេលដែលអ្នករៀបចំ ការចំណាយឲ្យមានភាពប្រសើរ។ ឧទាហរណ៍ ប្រសិនបើគ្រួសារមួយ មានគម្រោងចង់បានផ្ទះផ្ទាល់ខ្លួន ឬក៏ទិញផ្ទះថ្មី នោះពួកគេនឹងមានការកំណត់គោលដៅច្បាស់លាស់ ក្នុងការចាយវាយនិងសន្សំប្រាក់។
ចាប់ផ្ដើមធ្វើការលៃលកប្រាក់
ការលៃលក អាចជួយឲ្យអ្នកមានគម្រោង ក្នុងការចំណាយប្រចាំខែក្នុងគ្រួសារ ឧទាហរណ៍ចាយក្រោយ ១០០០ដុល្លារ ក្នុងមួយខែ។ វាពិតជាអាចជួយអ្នកបានច្រើនខ្លាំងណាស់។ ប្រសិនបើចំណាយច្រើនជាងចំនូល នោះអ្នកត្រូវតែកាត់បន្ថយចំណាយណាដែលឥតប្រយោជន៍ដូចជា បាយល្ងាចនៅហាងរាល់ថ្ងៃជាដើម។
រាយបញ្ជីការចំណាយ
រាយគ្រប់រាល់ការចំណាយប្រចាំខែរបស់អ្នក ដូចជា បំណុល ការថែទាំសុខភាព ចំណីអាហារ ធានារ៉ាប់រង ថ្លៃទឹកភ្លើងទូរស័ព្ទ និងរបស់ប្រើប្រាស់នៅក្នុងផ្ទះ។ នៅពេលដែលអ្នកមានការរៀបចំការចំណាយរបស់អ្នក បានច្បាស់លាស់ នោះអ្នកនឹងមិនជួបប្រទះនឹងវិបត្តិហិរញ្ញវត្ថុនោះទេ៕
