ដោយៈ សាវុធ
ភ្នំពេញៈ នៅពេលចូលមកដល់មហាវិទ្យាល័យ គឺជាការចាប់ផ្ដើមនូវជំពូកថ្មីនៃជីវិតរបស់យើងរាល់គ្នា ហើយវាពិតជាពិបាក សម្រាប់យើងរាល់គ្នា ក្នុងការយល់ដឹងអំពីប្រាក់។
នៅខាងក្រោមនេះគឺជាគំនិតខ្លះៗ សម្រាប់និស្សិតប្រុស ស្រី គួរស្វែងយល់ដែលមានដូចជា៖
យកលុយបង្កើតលុយ
សម្រាប់វ័យនេះ អ្នកប្រាកដជាមិនមានដើមទុនធំដុំ សម្រាប់យកទៅវិនិយោគខ្នាតធំដូចសហគ្រិន ដែលមានបទពិសោធន៍នោះទេ។ យ៉ាងណាមិញអ្នកអាចចាប់ផ្ដើមពីចំណុចតូចតាច ដោយគ្រាន់តែលក់របស់តាមអនឡាញ លក់ម្ហូបអាហារ ឬបង្កើតទៀមកាហ្វេមួយផ្ទាល់ខ្លួន។ ស្រួល មិនស្រួលអ្នកអាចពង្រីកមុខរបរនេះ ឲ្យធំជាងមុនផងក៏ថាបាន។
ចំណាយឲ្យបានតិចជាងចំណូល
នៅប្រទេសកម្ពុជាយើង និសិត្សភាគច្រើន មិនចង់ចាប់ផ្ដើមមានការងារ ក្នុងពេលសិក្សាទេ លុះត្រាតែបញ្ចប់ការសិក្សាជាមុនសិន។ បើអញ្ចឹង ប្រសិនបើម្ដាយឪពុករបស់អ្នកផ្ដល់ប្រាក់ដល់អ្នក២០ដុល្លារ នៅក្នុងមួយអាទិត្យ អ្នកគួតែចំណាយប្រាក់ត្រឹមតែ១០ ទៅ១៥ដុល្លារ ទៅបានហើយ ជាជាងចាយទាំងអស់។
ប៉ុន្តែប្រសិនបើអ្នកមានការងារធ្វើក្នុងពេលរៀនសូត្រ អ្នកអាចធ្វើតាមវិធីខាងលើបានដូចគ្នា។
ចាប់ផ្ដើមធ្វើការសន្សំប្រាក់ឲ្យក្លាយទៅជាទម្លាប់
ដំបូង អ្នកនឹងជួបការលំបាកនៅពេលសន្សំ ពីព្រោះអ្នកមានរបស់ជាច្រើន ដែលអ្នកចង់ទិញ ប៉ុន្តែនៅពេលដែលអ្នកប្តេជ្ញាចិត្តធ្វើវា លុះត្រាតែតែវាក្លាយជាទម្លាប់ ទៅនោះអ្នកនឹងបានជោគជ័យ មិនត្រឹមតែប៉ុណ្ណោះទេ អ្នកនឹងសល់ប្រាក់មួយចំនួនធំបន្ទាប់ពីបញ្ចប់ការសិក្សា៕