ដោយៈ សាវុធ
ភ្នំពេញៈ ខួក្បាល ជាចំណែកដ៏សំខាន់ជាងគេមួយនៃរាងកាយ ហើយការសម្រាកខួក្បាល អាចជួយបង្កើនការចងចាំ និងជួយឲ្យខួក្បាលរឹងមាំល្អ ដោយគេគួរទម្លាប់សម្រាកខួក្បាលជារៀងរាល់ថ្ងៃ ដោយចំណាយពេលខ្លីៗ បន្ទាប់ពីបញ្ចប់ភារៈកិច្ចការងាររបស់អ្នក។
វិធីសម្រាកៈ ចូរសណ្តូកខ្លួនដេកដោយលៃយ៉ាងណា ឲ្យគ្រប់ផ្នែកទាំងអស់នៃរាងកាយសម្រាកបានទាំងមូល។ ចូរបិទភ្នែកដកដង្ហើមចេញចូលមួយៗឲ្យស្មើគ្នា រួចធ្វើលំនឹកគិតថា រាងកាយរបស់ខ្លួនចាប់ផ្តើមសម្រាក ពីចុងជើងបន្តិចម្តងៗរាលឡើង មកដល់ពោះ ទ្រូង ក ក្បាល និងពេញទាំងរាងកាយ។
ចូរតាំងចិត្តឲ្យមូលតែនឹងអារម្មណ៍ថា រាងកាយសម្រាកគ្រប់ផ្នែក និងបន្តដកដង្ហើមចេញចូលៗ រហូតដល់មានអារម្មណ៍ថាខ្យល់ចូលពេញសួត ចូរធ្វើឲ្យបានហោចណាស់ឲ្យបាន១០នាទីក្នុងមួយថ្ងៃ។
ចូរអនុវត្តន៍បែបនេះជារៀងរាល់ថ្ងៃ នោះអ្នកនឹងឃើញថា ខ្លួនឯងប្រសើរជាងមុន ខួក្បាលមានភាពស្រស់បោះ និងចងចាំបានល្អជាងមុន។វិធីសាស្ត្រនេះជួយកាត់បន្ថយភាពតានតឹងប្រចាំថ្ងៃ និងជួយកសាងទំនុកលើខ្លួនឯង៕
