ដោយៈ និស្ស័យ
ជប៉ុនៈ លោកគីមទី កោមលី អគ្គនាយកប្រតិបត្តិការ ធនាគារជាតិនៃកម្ពុជា បានអញ្ជើញដឹកនាំក្រុមការងារ ចូលរួមកិច្ចប្រជុំពិភាក្សាក្នុងវេទិកា ទីផ្សារសញ្ញាបណ្ណអាស៊ានបូក៣លើកទី៤៦ (46th ASEAN+3 Bond Market Forum – ABMF) និងវេទិកាហេដ្ឋារចនាសម្ព័ន្ធទូទាត់ឆ្លងដែនលើកទី៣៥ (35thCross-Border Settlement Infrastructure Forum – CSIF) ដែលបានប្រព្រឹត្តទៅចាប់ពីថ្ងៃទី ៦-១០ ខែកក្កដា ឆ្នាំ២០២៦ នៅទីក្រុងសាពូរ៉ូ ប្រទេសជប៉ុន។
កិច្ចប្រជុំនេះមានការចូលរួម ពីថ្នាក់ដឹកនាំធនាគារកណ្តាលនានា បញ្ញត្តិករហិរញ្ញវត្ថុ តំណាងស្ថាប័នគ្រប់គ្រងទីផ្សារហិរញ្ញវត្ថុ គ្រឹះស្ថានធនាគារនិងហិរញ្ញវត្ថុ ព្រមទាំងក្រុមហ៊ុនបច្ចេកវិទ្យា បញ្ញាសិប្បនិម្មិតឈានមុខនានា។
អង្គប្រជុំបានពិភាក្សា និងផ្លាស់ប្តូរយោបល់លើប្រធានបទសំខាន់ៗជាច្រើន រួមមាន ស្ថានភាពសន្តិសុខស្បៀងបច្ចេកវិទ្យា ហិរញ្ញវត្ថុដែលផ្តោតលើបញ្ញាសិប្បនិម្មិត និងចក្ខុវិស័យនៃការតភ្ជាប់ទីផ្សាររូបិយវត្ថុក្នុងតំបន់។
នៅក្នុងវេទិកានេះដែរ លោកអគ្គនាយក បានធ្វើបទបង្ហាញលើប្រធានបទស្តីពី “ការប្រើប្រាស់បញ្ញាសិប្បនិម្មិត ដើម្បីព្យាករតម្រូវការ និងការផ្គត់ផ្គង់សន្ទនីយភាពជាប្រាក់រៀល”។
បន្ថែមលើនេះ មន្ត្រីជំនាញរបស់ ធនាគារជាតិនៃកម្ពុជា ក៏បានធ្វើបទបង្ហាញលើប្រធានបទ ពាក់ព័ន្ធនឹងការទូទាត់ឆ្លងដែន និងការអភិវឌ្ឍទីផ្សារមូលបត្ររដ្ឋតាមរយៈថ្នាល NBCP ផងដែរ៕
 និងវេទិកាហេដ្ឋារចនាសម្ព័ន្ធទូទាត់ឆ្លងដែនលើកទី៣៥ (35thCross-Border Settlement Infrastructure Forum – CSIF) ដែលបានប្រព្រឹត្តទៅចាប់ពីថ្ងៃទី ៦-១០ ខែកក្កដា ឆ្នាំ២០២៦ នៅទីក្រុងសាពូរ៉ូ ប្រទេសជប៉ុន។){kind=link}