ដោយ៖គង់ លាងហួរ
ភ្នំពេញ៖ ធនាគារកណ្តាលថៃ (BoT) បានពន្យាពេលនូវវិធានការផ្តល់ជំនួយហិរញ្ញវត្ថុ ទៅដល់អ្នកខ្ចីម្នាក់ៗ រហូតដល់ខែមិថុនាឆ្នាំនេះ ក្នុងគោលបំណងបន្ធូរបន្ទុកហិរញ្ញវត្ថុ ដែលបង្កឡើងដោយសារការផ្ទុះឡើងនៃជំងឺកូវីដ១៩ ក្នុងស្រុកសារជាថ្មី។
លោក Ronadol Numnonda ទេសសាភិបាលរងរបស់ធនាគារកណ្តាលថៃបានថ្លែងថា ធរនាគារកណ្ដាលបានពន្យាពេល និងដាក់ចេញនូវវិធានការផ្ដល់ជំនួយហិរញ្ញវត្ថុបន្ថែម ដល់អ្នកខ្ចីបែបបុគ្គល និងអ្នកខ្ចីបែបពាណិជ្ជកម្ម ដែលស្ថានភាពឥណទានរបស់ពួកគេនៅតែជាឥណទានដំណើរ។
សម្រាប់អ្នកខ្ចីបែបបុគ្គល វិធានការផ្តល់ជំនួយហិរញ្ញវត្ថុ នឹងត្រូវពន្យាពេលដល់ថ្ងៃទី៣០ ខែមិថុនា ឆ្នាំ២០២១ ក្រោយពីកម្ចីពួកគេបានផុតកំណត់នៅថ្ងៃទី៣១ ខែធ្នូ ឆ្នាំ២០២០ ។
ជាមួយនឹងការវិធានការនេះ សម្រាប់អ្នកប្រើប្រាស់ផលិតផលហិរញ្ញវត្ថុ និយ័តករអនុញ្ញាតឱ្យគ្រឹះស្ថានហិរញ្ញវត្ថុ រួមមានធនាគារពាណិជ្ជកម្ម គ្រឹះស្ថានហិរញ្ញវត្ថុឯកទេស និងក្រុមហ៊ុនមិនមែនធនាគារ ផ្ដល់ជំនួយហិរញ្ញវត្ថុទៅដល់អ្នកខ្ចី ដោយផ្អែកលើស្ថានភាពជាក់ស្តែង។
អ្នកជាប់បំណុលអាចដាក់ពាក្យជាជំនួយការហិរញ្ញវត្ថុដោយខ្លួនឯង។ និយោជក ឬម្ចាស់ជំនួញក៏អាចដាក់ពាក្យសុំជំនួយបែបនេះផងដែរ ក្នុងនាមជាអ្នកជាប់បំណុល។
កម្ចីនេះ គឺជាឧទាហរណ៍សំខាន់មួយ ដែលនិយោជកដាក់ពាក្យសម្រាប់ជំនួយការហិរញ្ញវត្ថុ ក្នុងនាមជាអ្នកជាប់បំណុល។
ជំនួយហិរញ្ញវត្ថុបែបនេះត្រូវតែទទួលបានការព្រមព្រៀងពីកូនបំណុល ដើម្បីឱ្យជំនួយនេះចាប់ផ្តើមប្រកបដោយប្រសិទ្ធភាព និងទាន់ពេលវេលា។
ចំពោះប័ណ្ណឥណទាន និងប្រាក់កម្ចីផ្ទាល់ខ្លួន និយ័តករអនុញ្ញាតឱ្យផ្លាស់ប្តូរស្ថានភាពនៃផលិតផលប្រាក់កម្ចី ដែលគ្មានការធានា ជាផលិតផលប្រាក់កម្ចីមានកាលកំណត់ ឬកំណត់ពេលវេលាខ្ចីឡើងវិញ ដល់កាលកំណត់អតិបរមា៤៨ខែ។ អត្រាការប្រាក់ទាបក្នុងមួយឆ្នាំត្រូវបានកំណត់ត្រឹម១២ភាគរយសម្រាប់ប័ណ្ណឥណទាន និង២២ភាគរយសម្រាប់ប្រាក់កម្ចីផ្ទាល់ខ្លួន៕
