មន្រ្តីជាន់ខ្ពស់ក្រសួងសាធារណៈការពិភាក្សាពីការស្តារផ្លូវជាតិលេខ៥៧
ដោយៈ គង់ សូរិយា
ភ្នំពេញៈ ក្រុមមន្រ្តីជាន់ខ្ពស់បានបើកកិច្ចប្រជុំ ពិភាក្សាការងារគម្រោងស្តារ លើកកម្ពស់កម្រិតគុណភាពផ្លូវជាតិលេខ៥៧ និងគម្រោងរៀបចំច្រកព្រំដែនផ្សារព្រំ ក្រោមហិរញ្ញប្បទានពីស្ថាប័ន (NEDA)។
កិច្ចប្រជុំនេះ ដឹកនាំដោយលោកសុខុម ភគវន្តមុនី រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាការងារគម្រោងស្តារ លើកកម្ពស់កម្រិតគុណភាពផ្លូវជាតិលេខ៥៧ និងគម្រោងរៀបចំច្រកព្រំដែនផ្សារព្រំ ក្រោមហិរញ្ញប្បទានពីស្ថាប័នNEDA ដោយមានការអញ្ជើញចូលរួមពីថ្នាក់ដឹកនាំក្រសួង ទីប្រឹក្សាក្រសួង តំណាងរដ្ឋបាលខេត្ត និងក្រុមការងារបច្ចេកទេសពាក់ព័ន្ធ។
កិច្ចប្រជុំនេះរៀបចំឡើង ដើម្បីពិភាក្សាពីគម្រោងផែនការ និងការត្រៀមលក្ខណៈសហការ សម្របសម្រួលជាមួយ ទីភ្នាក់ងារសហប្រតិបត្តិការ អភិវឌ្ឍន៍សេដ្ឋកិច្ចប្រទេសថៃ (NEDA) ក្នុងការអនុវត្តការសិក្សាគម្រោងរៀបចំ លើកកម្ពស់កម្រិតគុណភាពផ្លូវជាតិលេខ៥៧ និងគម្រោងរៀបចំច្រកទ្វារព្រំដែនអន្តរជាតិផ្សារព្រំ នាពេលឆាប់ៗខាងមុខនេះ៕
