ពាណិជ្ជករថៃជួបជាមួយថ្នាក់ដឹកនាំសភាពាណិជ្ជកម្មខេត្តកំពង់ស្ពឺ

ដោយៈ និស្ស័យ

        កំពង់ស្ពឺៈ សភាពាណិជ្ជកម្មខេត្តកំពង់ស្ពឺ បានរៀបចំជំនួបពាណិជ្ជកម្ម ជាមួយនឹងពាណិជ្ជករ-វិនិយោគគិន អញ្ជើញមកពីប្រទេ​សថៃ ក្រោមអធិបតីភាពលោកឡេង សុខគា ប្រធានសភាពាណិជ្ជកម្មខេត្តកំពង់ស្ពឺ។

ភាគីថៃដឹកនាំដោយលោក Phongphat Jarupattarapun (Chai) តំណាងក្រុមហ៊ុនធីរីផាត ត្រេឌីង ឯ.ក ព្រមទាំងអ្នកតំណាងឱ្យក្រុមហ៊ុនពីរ ទៀតមកពី Marine Foods Cannings និង  Da Dairy Trading  ដែលសុទ្ធសឹងជាក្រុមហ៊ុន មានរោងចក្រផ្នែកអាហារកំប៉ុង។

ក្នុងជំនួបពាណិជ្ជកម្ម (កម្ពុជា-ថៃ)នេះ ភាគីទាំងពីរបានពិភាក្សាគ្នាអំពីភាពជាដៃគូរ បង្កើតរោងចក្រផលិតក្នុងភូមិសាស្រ្តខេត្ត កំពង់ស្ពឺ ការដោះដូរពាណិជ្ជកម្ម ឱកាសវិនិយោគ ការកែច្នៃទិន្នផលកសិ​កម្ម និងការពង្រឹងចំណងកិច្ចសហការ កម្ពុជា-ថៃ៕