ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃ នៅព្រឹកថ្ងៃព្រហស្បតិ៍នេះ បន្ទាប់ពីប្រាក់ដុល្លារបានធ្លាក់ថ្លៃចុះ ខណៈក្រុមពាណិជ្ជករបានស្ទាបស្ទង់មើលទស្សនវិស័យអត្រាការប្រាក់របស់សហរដ្ឋអាមេរិកដោយប្រុងប្រយ័ត្នជាទីបំផុត។
តួយ៉ាង តម្លៃមាស Spot Gold បានធ្លាក់ចុះ០,០១%ដល់២៣៨២,៦៩ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,១២ភាគរយដល់២៣៨៥,៥ដុល្លារ ក្នុងមួយអោន គិតត្រឹមម៉ោង៩:៤៤នាទីព្រឹក។
លោក Phillip Streible ប្រធានអ្នកយុទ្ធសាស្រ្តទីផ្សារនៅក្រុមហ៊ុន Blue Line Futures បានលើកឡើងថា “ភាពមិនច្បាស់លាស់នៃភូមិសាស្ត្រនយោបាយក្នុងតំបន់មជ្ឈឹមបូព៌ា នៅតែបន្តជំរុញឱ្យតម្លៃមាសហក់ឡើងថ្លៃ ហើយប្រសិនបើស្ថានភាពជម្លោះនោះ កាន់តែកើនឡើងកំដៅ តម្លៃមាសអាចហក់ឡើងដល់ខ្ទង់២.៥០០ដុល្លារក្នុងមួយអោន”។
ស្របពេលជាមួយគ្នានេះ ទីផ្សារមើលឃើញឱកាសនៃការកាត់បន្ថយអត្រាការប្រាក់ ដោយធនាគារកណ្តាលអាមេរិក(Fed) នៅក្នុងកិច្ចប្រជុំគោលនយោបាយ នាខែកញ្ញាខាងមុខ។ នេះបើយោងតាមឧបករណ៍ CME FedWatch។
សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណដុល្លារអាមេរិក ធៀបទៅនឹងរូបិយប័ណ្ណគូប្រជែងចំនួន៦ ដូចជាប្រាក់យ៉េន និងប្រាក់អឺរ៉ូជាដើម បានធ្លាក់ថ្លៃចុះមកនៅត្រឹម១០៥,៩៧ពិន្ទុ នៅថ្ងៃព្រហស្បតិ៍នេះ។
តម្លៃលោហៈធាតុប្រាក់ Spot silver បានងើបឡើង០,១២ភាគរយដល់២៨,២៥ដុល្លារ ក្នុងមួយអោន ខណៈតម្លៃផ្លាទីន បានធ្លាក់ចុះ០,០៨ភាគរយដល់៩៣៧,៤៥ដុល្លារក្នុង