ដោយៈ គង់ ម៉ាលីនណា
ភ្នំពេញៈ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម អនុញ្ញាតជូន លោក TAO Guangyao ប្រធានក្រុមហ៊ុនហួវៃ តំបន់អាស៊ីអាគ្នេយ៍ កម្ពុជា ឡាវ វៀតណាម និងជានាយកប្រតិបត្តិក្រុមហ៊ុនហួវៃកម្ពុជា ដើម្បីពិភាក្សាពីផែនការនាពេលអនាគត។
នៅក្នុងជំនួបនេះ លោក TAO Guangyao បានធ្វើការណែនាំខ្លួនក្នុងនាមជានាយកប្រតិបត្តិថ្មី នៃក្រុមហ៊ុនហួវៃកម្ពុជា និងជាប្រធានក្រុមហ៊ុនហួវៃ តំបន់អាស៊ីអាគ្នេយ៍កម្ពុជា វៀតណាម ឡាវ ព្រមទាំងបានថ្លែងអំណរគុណ ចំពោះក្រសួងពាណិជ្ជកម្ម ដែលបានបន្តគាំទ្រកិច្ចសហប្រតិបត្តិការរបស់ក្រុមហ៊ុន និងបានសុំអនុសាសន៍ណែនាំមួយចំនួនពីលោកជំទាវរដ្ឋមន្ត្រី។
លោកជំទាវរដ្ឋមន្ត្រី បានសម្តែងនូវការអបអរសាទរ និងស្វាគមន៍យ៉ាងកក់ក្តៅ ចំពោះនាយកប្រតិបត្តិថ្មី ព្រមទាំងបានផ្តល់អនុសាសន៍គន្លឹះមួយចំនួន សំដៅបន្តពង្រឹងកិច្ចសហប្រតិបត្តិការ លើវិស័យពាណិជ្ជកម្ម ជាពិសេសនៅក្នុងឌីជីថលនីយកម្មនៅកម្ពុជា។