កម្ពុជានាំចេញអង្ករជាលើកដំបូងទៅហ្វីលីពីន ក្រោយព្យាយាមចាប់យកទីផ្សារអស់ជាច្រើនឆ្នាំ

ដោយៈ និស្ស័យ

        ភ្នំពេញៈ កម្ពុជា​បានចាប់ផ្តើមនាំចេញអង្ករជាលើកដំបូង ទៅប្រទេសហ្វីលីពីន ដែលជាប្រទេសនាំចូលអង្ករដ៏ធំមួយ នៅតំបន់អាស៊ី ក្រោយពីកម្ពុជាព្យាយាមចាប់យកទីផ្សារនេះជាច្រើនឆ្នាំ។

លោកប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មបានឱ្យដឹងថា ​ហ្វីលីពីន គឺជាទីផ្សារល្អ​ ដោយប្រទេសនេះមានតម្រូវការអង្ករច្រើន ​ហើយបច្ចុប្បន្ននេះ ប្រទេសនេះកំពុងមានការខ្វះខាត​ស្បៀង​។ ​

លោកបានគូសបញ្ជាក់ថា ការនាំចេញទៅកាន់ប្រទេសហ្វីលីពីនជាលើកដំបូងនេះ បន្ទាប់ពីហ្វីលីពីន បានដូរគោលនយោបាយនៃការនាំចូលអង្ករ ពោល គឺពីការនាំចូលតាមរយៈរដ្ឋមកឯកជនវិញ។ ស្របជាមួយគ្នា ​នាយករដ្ឋមន្រ្តីថ្មីនៃប្រទេសហ្វីលីពីន គឺ​ធ្លាប់ជារដ្ឋមន្រ្តីក្រសួងកសិកម្ម ដែលជំរុញឱ្យកម្ពុជាធ្វើការងារជិតស្និត ជាមួយលោក និងឈានទៅដល់ការនាំចូលអង្ករពីកម្ពុជាជាលើកទី១។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ
17.PR , Promotion Feb (W. 1280px x H.671px)

លោកមានប្រសាសន៍ថា “នេះចំណុចមួយចាប់ផ្តើម សង្ឃឹមថានឹងមានចំនួនច្រើន ដោយសារប្រទេសហ្វីលីពីន ជាប្រទេសមួយដែលត្រូវការអង្ករ ហើយលោកឃើញថាអង្កររបស់យើងល្អ មានរសជាតិឆ្ងាញ់ ហើយមានតម្លៃសមរម្យ និងមាននាំចេញច្រើន”។

តាមរបាយការណ៍របស់សហព័ន្ធស្រូវ អង្ករកម្ពុជាបានឱ្យដឹងថា នៅដើមឆ្នាំ២០២៣នេះ ​កម្ពុជាទើបតែនាំចេញអង្ករ ក្នុងបរិមាណធំលើកទី១ចំនួន២ ៥៧៥តោនទៅប្រទេសហ្វីលីពីន។

រដ្ឋមន្រ្តីក្រសួងពាណិជ្ជកម្មបានឲ្យដឹងថា ក្រៅពីការនាំចេញទៅប្រទេសហ្វីលីពីន ជាលើកដំបូង កម្ពុជាក៏បានចាប់ផ្តើមសាកល្បងនាំចេញ ទៅប្រទេសសិង្ហបុរី​ផងដែរ ប៉ុន្តែក្នុងបរិមាណតិចនៅឡើយ។

ប្រទេសហ្វីលីពីន ជាប្រទេសផលិតស្រូវ ហើយក៏ជាប្រទេសនាំចូលអង្ករដ៏ធំមួយនៅក្នុងតំបន់អាស៊ីផងដែរ។ ជាក់ស្តែងក្នុងឆ្នាំ២០២២ កន្លងទៅប្រទេសហ្វីលីពីន បាននាំចូលអង្ករចំនួន៣.៨២លានតោន ពីបណ្តាប្រទេសនានា ដែលប្រភេទអង្ករភាគច្រើនបំផុត ជាប្រភេទអង្ករសធម្មតា៕

LEAVE A REPLY

Please enter your comment!
Please enter your name here