ដោយៈ គង់ ម៉ាលីនណា
ភ្នំពេញៈ ក្នុងគោលដៅបង្កើន និងពង្រឹងសមត្ថភាពធនធានមនុស្ស និយ័តករមូលបត្រកម្ពុជា ត្រៀមបើកវគ្គបណ្តុះបណ្តាលជំនាញស្ដីពី “សន្តិសុខតាមប្រព័ន្ធអ៊ីនធឺណេត”។
ស្ថាប័ននេះ នឹងសហការជាមួយនិយ័តករ ទូរគមនាគមន៍កម្ពុជា ដោយមានការគាំទ្រពី ក្រុមហ៊ុន ភីភី លីង ស៊ីឃ្យួរឹធី ឯ.ក, ក្រុមហ៊ុន ខេមបូឌាន ដេរីវ៉េទីវ អ៊ិចឆេង ឯ.ក,ក្រុមហ៊ុន ហោ្គលវែល ខាភីថល ឯ.ក និងក្រុមហ៊ុន យាន់តា ស៊ីឃ្យួរឹធី (ខេមបូឌា) ភីអិលស៊ី នឹងរៀបចំវគ្គបណ្ដុះបណ្ដាលកសាងសមត្ថភាព ស្ដីពី “សន្តិសុខតាមប្រព័ន្ធអុីនធឺណេត” ដែលនឹងប្រព្រឹត្តទៅនៅថ្ងៃទី៣១ ខែឧសភា ឆ្នាំ២០២៣ នៅអគារអាជ្ញាធរសេវាហិញ្ញវត្ថុមិនមែនធនាគារ៕