ដោយៈ គង់ ម៉ាលីនណា
ភ្នំពេញៈ
លោកសាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសំណេះសំណាល និងពិភាក្សាការងារជាមួយឯកឧត្តម Wilhelm Maximilian Donko ឯកអគ្គរាជទូតអូទ្រីស ប្រចាំប្រទេសថៃ ឡាវ កម្ពុជា និងមីយ៉ាន់ម៉ា និងប្រតិភូធុរកិច្ចអូទ្រីស។
ជំនួបនេះបានធ្វើឡើងកាលពីថ្ងៃទី២៨ មិនា ឆ្នាំ២០២៣ កន្លងមកនេះ។
កិច្ចពិភាក្សាការងារបានផោ្ដតលើ កាលានុវត្តភាពធុរកិច្ចនៅកម្ពុជា ដោយប្រើបច្ចេកវិទ្យាស្អាត នវានុវត្តន៍ និងចីរភាព ជាអាទិ៍ការផលិតថាមពលវារីអគ្គិសនីទ្រង់ទ្រាយតូច ថាមពលជីវម៉ាស ជីវឧស្ម័ន ជីវឥន្ធនៈ និងអ៊ីដ្រូសែនបៃតង ព្រមទាំងការជំរុញឥណទានកាបូន ហិរញ្ញប្បទានបៃតង និងទីផ្សារសម្រាប់ផលិតផលកសិកម្មកម្ពុជា៕