ដោយៈ គង់ សូរិយា
ភ្នំពេញៈ មន្រ្តីជាន់ខ្ពស់ក្រសួងរ៉ែ និងថាមពល បានវេទិកាសាធារណៈផ្សព្វផ្សាយ និងពិគ្រោះយោបល់ជាមួយប្រជាពលរដ្ឋ ពាក់ព័ន្ធនឹងការធ្វើអាជីវកម្មខ្សាច់សំណង់។
“អង្គវេទិកាបានគាំទ្រនិងឯកភាព លើគម្រោងអាជីវកម្មបូមខ្សាច់សំណង់ នៅដងទន្លេសេកុង ភូមិស្រែពោធិ សង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង”។
លោកគង់ ស៊ីថា អគ្គនាយករងនៃអគ្គនាយកដ្ឋានធនធានរ៉ែ បានអញ្ជើញជាអធិបតីក្នុងវេទិកាសាធារណៈ ដើម្បីផ្សព្វផ្សាយ និងពិគ្រោះយោបល់ជាមួយប្រជាពលរដ្ឋ ពាក់ព័ន្ធនឹងការធ្វើអាជីវកម្មខ្សាច់សំណង់ របស់សហគ្រាសសំរិទ្ធ ប៊ុនធឿន ដែលមានទីតាំងដងទន្លេសេកុង ភូមិស្រែពោធិ សង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង ដែលមានការចូលរួមពីអាជ្ញាធរដែនដី មន្ត្រីជំនាញនៃក្រសួងរ៉ែ និងថាមពល និងប្រជាពលរដ្ឋមូលដ្ឋាននៃទីតាំងខាងលើ។
វេទិកាសាធារណៈនេះ ត្រូវបានរៀបចំឡើងក្នុងគោលបំណងផ្សព្វផ្សាយ អំពីគម្រោងអាជីវកម្មបូមខ្សាច់សំណង់ ព្រមទាំងប្រមូលមតិយោបល់ សំណូមពរ ក៏ដូចជាក្ដីបារម្ភ និងបញ្ហាប្រឈមនានារបស់ប្រជាពលរដ្ឋ ដែលរស់នៅក្នុងតំបន់ ដែលការដ្ឋានបូមខ្សាច់តាំងនៅ ពិសេសប្រជាពលរដ្ឋ ដែលមានលំនៅឋាន ស្ថិតជាប់មាត់ច្រាំងទន្លេផ្ទាល់៕
