ដោយៈ គង់ សូរិយា
កំពង់ស្ពឺៈ ក្រសួងបរិស្ថាន ជានិច្ចកាល បានដើរតួនាទីកាន់តែសកម្មក្នុងការផ្សព្វផ្សាយពីវិស័យទេសចរណ៍ ដែលក្រសួងតែងតែនាំយកទិដ្ឋភាពប្លែកៗ និងស្រស់ស្អាតពីទឹកដីកម្ពុជា។
ក្រសួងនេះ កាលពីថ្ងៃទី៦ មិនា បាននាំយករូបថតជាច្រើនសន្លឹកពីទិដ្ឋភាពធម្មជាតិដ៏ស្រស់ស្អាតគ្មានពីរ នៃទឹកដី “ខ្នងផ្សារ និងខ្នងភ្នំសំពៅ ឧទ្យានជាតិជួរភ្នំក្រវ៉ាញ”។
និន្នាការថ្មីនៃវិស័យទេសចរណ៍ ធម្មជាតិបានក្លាយជាទិសដៅពេញនិយមកាន់តែច្រើន ដោយការជ្រើសរើសទេសចរណ៍ ប្រកបដោយនិរន្តរភាព ដើម្បីគាំទ្រដល់សហគមន៍ ដែនជម្រក តំបន់ការពារ និងឧទ្យានជាតិ។ ដូចជាភ្ញៀវបរទេសមួយក្រុម បានយកឈ្នះខ្លួនឯង ឡើងភ្នំខ្នងផ្សារ ដោយរីករាយជាមួយទេសភាព និងបទពិសោធន៍ដ៏ល្អៗជាមួយសហគមន៍ ដោយពួកគាត់នឹងត្រលប់ មកកាន់តំបន់ការពារ ដែនជម្រកសត្វព្រៃ តំបន់ទេសភាព ឧទ្យានជាតិភ្នំក្រវាញ និងសហគមន៍ទេសចរណ៍នេះម្តងទៀតឆាប់ៗ៕
