ដោយ: គង់ លាងហួរ
អន្តរជាតិ: ផ្សារហ៊ុននៅទីក្រុងហុងកុង បានហក់ឡើងថ្លៃពីកម្រិតទាបបំផុតនៅឆ្នាំនេះ ខណៈកំណើននៃសកម្មភាពរោងចក្រ បានចង្អុលបង្ហាញពីការស្ទុះងើបឡើងវិញដ៏រ៉ឹងមាំនៅក្នុងសេដ្ឋកិច្ចចិន។
សន្ទស្សន៍ Hang Seng បានហក់ឡើង១,៤ភាគរយ រហូតដល់២០០៦៥,៨៦ នៅម៉ោង៩:៤៥នាទីព្រឹក ម៉ោងក្នុងស្រុកនៅថ្ងៃពុធនេះ ដែលជាការកើនឡើងដ៏ធំបំផុត ក្នុងរយៈពេលជិត៣សប្តាហ៍។
សន្ទស្សន៍ផ្សារហ៊ុន Tech បានហក់ឡើង១,៩ភាគរយ ខណៈសន្ទស្សន៍ផ្សារហ៊ុន Shanghai Composite បានហក់ឡើងថ្លៃ០,២ភាគរយ។
ផ្សារហ៊ុនរបស់ក្រុមហ៊ុនវីដេអូហ្គេម NetEase បានហក់ឡើង២,៤ភាគរយដល់១២៤ដុល្លារហុងកុង ខណៈផ្សារហ៊ុនរបស់ក្រុមហ៊ុន Tencent Holdings បានហក់ឡើង១,៥ភាគរយ ដល់៣៤៨,៦ដុល្លារហុងកុង។ ផ្សារហ៊ុនក្រុមហ៊ុនស្រាវជ្រាវអ៉ីនធឺណិតខ្នាតយក្ស Baidu បានហក់ឡើង០,៧ភាគរយដល់១៣៥,៧ដុល្លារហុងកុង។
ផ្សារហ៊ុនរបស់ក្រុមហ៊ុនអភិវឌ្ឍន៍អចលនទ្រព្យ Longfor បានហក់ឡើង២,៥ភាគរយ ដល់២២,៩៥ដុល្លារហុងកុង ខណៈផ្សារហ៊ុនក្រុមហ៊ុនផលិតរថយន្តអគ្គិសនី BYD បានហក់ឡើងថ្លៃ១ភាគរយ ដល់២១៣,២ដុល្លារហុងកុង។
យោងតាមការិយាល័យស្ថិតិ របស់ប្រទេសចិនបានឱ្យដឹងនៅថ្ងៃពុធនេះថា សកម្មភាពរោងចក្រ បានបន្តងើបឡើងវិញនៅក្នុងខែកុម្ភៈ ដោយសន្ទស្សន៍ អ្នកគ្រប់គ្រងការទិញផ្លូវការ (PMI) បានហក់ឡើងដល់៥២,៦ ធៀបនឹង៥០,១កាលពីខែមករា។
តម្លៃផ្សារហ៊ុនអាស៊ីសំខាន់ៗ ត្រូវបានលាយឡំគ្នានៅនេះថ្ងៃពុធ ចំពេលមានការព្រួយបារម្ភថា ធនាគារកណ្តាលអាមេរិក អាចនឹងដំឡើងអត្រាការប្រាក់ខ្ពស់ជាងនេះ។ ផ្សារហ៊ុន Kospi ក្នុងប្រទេសកូរ៉េខាងត្បូង បានហក់ឡើង០,៤ភាគរយ ខណៈដែលផ្សារហ៊ុន S&P/ASX 200 នៅប្រទេសអូស្ត្រាលី និង Nikkei 225 នៅប្រទេសជប៉ុន បានដាំក្បាលចុះ០,១ទៅ០,៤ភាគរយ៕