ទីក្រុងចិនធំៗចំនួន២ប្រកាសផ្តល់ការឧបត្ថម្ភធនដល់អតិថិជនទិញផ្ទះ ដើម្បីទាក់ទាញអ្នកមានចំណេះដឹងខ្ពស់

ដោយ: គង់ លាងហួរ

ប៉េកាំង: ទីក្រុងនានារបស់ប្រទេសចិន កំពុងដាក់ចេញនូវគោលនយោបាយ និងការឧបត្ថម្ភធន ដើម្បីជួយសម្រួលដល់ជនអន្តោប្រវេសន៍ដ៏មានជំនាញ ក្នុងការទិញលំនៅដ្ឋានដើម្បីជំរុញសេដ្ឋកិច្ចជាតិ។

ទីក្រុង Changsha នៃខេត្ត Hunan ភាគកណ្តាលប្រទេសចិន បានរាយការណ៍ថា ជនណាដែលមានសញ្ញាប័ត្រ និងអាយុចាប់ពី៤៥ឆ្នាំ ឬតិចជាងនេះ មានសៀវភៅគ្រួសារHukou  អាចទិញផ្ទះនៅក្នុងតំបន់ណា ដែលត្រូវបានរឹតបន្តឹង ឱ្យកាន់កាប់ផ្ទះច្រើនបំផុត២ខ្នងប៉ុណ្ណោះ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ទីក្រុង Changsha ក៏បានលុបចោលការកំណត់អាយុ សម្រាប់ជនណា ដែលមានសញ្ញាបត្រអនុបណ្ឌិត និងបណ្ឌិតផងដែរ។

គោលនយោបាយនេះ ជាការបន្តនៃផែនការរបស់ទីក្រុង Changsha ក្នុងការទាក់ទាញអ្នកមានទេពកោសល្យ ដើម្បីពង្រឹងសេដ្ឋកិច្ចរបស់ខ្លួន។

កាល​ពី​ខែ​ឧសភា ឆ្នាំ២០២២ ទីក្រុង​នេះបាន​បញ្ជាក់ថា ខ្លួន​នឹង​អនុ ញ្ញាត​ឲ្យ​កម្មករ​ជំនាញ​ដាក់​ពាក្យ​ភ្លាមៗ និង​ទទួល​បាន​សៀវភៅគ្រួសារ Hukou ក្នុង​ស្រុក ដោយ​ផ្តល់​អត្ថប្រយោជន៍​ដូច​គ្នា ​នឹង​អ្នក​ស្រុកទូទៅផងដែរ។

ចំណែកទីក្រុង Nanjing រដ្ឋធានីនៃខេត្ត Jiangsu បានឱ្យដឹងថា ខ្លួននឹងបែងចែកអ្នកមានទេពកោសល្យជា៦ប្រភេទ ហើយផ្តល់ការឧបត្ថម្ភធនសម្រាប់ការជួល និងទិញផ្ទះសម្រាប់រយៈពេល៥ឆ្នាំ ដោយចាប់ផ្តើមពីថ្ងៃទី១២ ខែកុម្ភៈ។

វិធានការពីអាជ្ញាធរមូលដ្ឋាន ដើម្បីជួយដល់ជនអន្តោប្រវេសន៍ ដែលមានជំនាញក្នុងការទិញអចលនទ្រព្យ បានកើតឡើងស្របពេលតម្លៃផ្ទះថ្មី បានបន្តធ្លាក់ចុះរយៈពេល១៦ខែជាប់ៗគ្នា នៅក្នុងខែធ្នូ ឆ្នាំ២០២២ ។ នេះបើយោងតាមទិន្នន័យ ដែលចេញផ្សាយដោយការិយាល័យស្ថិតិជាតិ។

រដ្ឋបាលក្រុង Nanjing បាននិយាយថា ខ្លួននឹងផ្តល់ការឧបត្ថម្ភធនរហូតដល់៥០ភាគរយ នៃតម្លៃអចលនទ្រព្យ ឬច្រើនបំផុត២លានយ័ន ដល់អ្នកជំនាញដូចជា ផ្នែកបច្ចេកវិទ្យា ឬប្រធាន R&D នៅក្រុមហ៊ុន Fortune 500 ដើម្បីទិញផ្ទះនៅក្នុងទីក្រុងនេះ៕

LEAVE A REPLY

Please enter your comment!
Please enter your name here