ដោយៈ គង់ ម៉ាលីនណា
ភ្នំពេញៈ ក្នុងន័យចូលរួមផ្សព្វផ្សាយពីការអភិវឌ្ឍន៍ធនធានរ៉ែ ដើម្បីការអភិវឌ្ឈន៍ប្រកបដោយចីរភាព និងតម្លាភាពមន្រ្តីក្រសួងរ៉ែ និងថាមពលបានធ្វើបទបង្ហាញដល់ដៃគូអភិវឌ្ឍន៍ពីការងារដ៏មានសារៈសំខាន់នេះ។
បទបង្ហាញនេះធ្វើឡើងដោយលោក កែវ ទួត អគ្គនាយករង នៃអគ្គនាយកដ្ឋានធនធានរ៉ែ បានអញ្ជើញចូលរួមជាវាគ្មិនកិត្តិយស នៅក្នុងសិក្ខាសាលាដែលរៀបចំឡើងដោយអង្គការ Oxfam និងបានធ្វើបទបង្ហាញស្ដីពី ការគ្រប់គ្រងនិងការអភិវឌ្ឍន៍វិស័យរ៉ែ នៅកម្ពុជា ជូនដល់ថ្នាក់ដឹកនាំនៃអង្គការសង្គមស៊ីវិលចំនួន៨ រួមមាន អង្គការ Oxfarm, DPA, ANSA, CIPO/CIWA, WCS, NGO Forum, TI និង EISEI។
ខ្លឹមសារនៃបទបង្ហាញនេះ ផ្ដោតសំខាន់លើចំណុចសំខាន់ៗមួយចំនួនដូចជា ទី១ ច្បាប់និងលិខិតបទដ្ឋានគតិយុត្ត ទី២ ប្រភេទអាជ្ញាបណ្ណធនធានរ៉ែ ទី៣ នីតិវិធីផ្ដល់អាជ្ញាបណ្ណធនធានរ៉ែ ទី៤ កាតព្វកិច្ចហិរញ្ញវត្ថុលើការធ្វើប្រតិបត្តិការធនធានរ៉ែ ទី៥ សមិទ្ធផលសំខាន់ៗក្នុងវិស័យរ៉ែ និងទី៦
កិច្ចសហប្រតិបត្តិការលើវិស័យរ៉ែ និងថាមពល៕