ដោយៈ វិវត្តន៍
ភ្នំពេញៈ អគ្គនាយកក្រុមហ៊ុន MTSL Investment Co, Ltd ដែលបាននិងកំពុងនាំចូលផលិតផលម្សៅទឹកដោះគោ Balantan បានចូលរួមក្នុងសកម្មភាពលើកកំពស់កីឡាហ្វូតសាល ដើម្បីលើកកំពស់សកម្មភាពកីឡានេះនៅកម្ពុជា។
សព្វថ្ងៃនេះវិស័យបាល់ទាត់ហ្វូតសាល កំពុងតែរីកចំរើនខ្លាំងលើប ណ្តាលប្រទេសជាច្រើននៅលើសកលលោក។ ងាកទៅមើលប្រទេសជិតខាងយើងមានប្រទេសថៃ វៀតណាម ម៉ាឡេស៊ី សឹង្ហបុរី កំពុងផ្តោតទៅលើបាល់ទាត់ហ្វូតសាលយ៉ាងខ្លាំងក្លា ចំណែកប្រទេសកម្ពុជាយើងវិញកំពុងរៀបចំអភិវឌ្ឍបាល់ទាត់ហ្វូតសាលផងដែរ។
យ៉ាងណាមិញ ដោយសារមានចិត្តស្រលាញ់ វិស័យកីឡាបាល់ទាត់តាំងពីតូច លោកអគ្គនាយក ថេងស្រេង នៃក្រុមហ៊ុន MTSL Investment Co., LTD បានចំណាយថវិកាបន្តិចបន្តួច ក្នុងការចូលរំលែកចំណែកជាមួយក្រុមបាល់ទាត់ ខ្មែរនគរ ហ្វេសស៊ី ដើម្បីអភិវឌ្ឍន៍វិស័យបាល់ទាត់ហ្វូតសាលក្នុងព្រះរាជាណាចក្រកម្ពុជា អោយកាន់តែរីកចំរើនកាន់តែខ្លាំង។
លោកបន្តថា “ដូចនេះយើងទាំងអស់គ្នា ចូលរួមគាំទ្រវិស័យបាល់ទាត់ហ្វូតសាល ក្នុងព្រះរាជាណាចក្រកម្ពុជា អោយមានការរីចំរើនកាន់តែខ្លាំង ដើម្បីទៅប្រកួតប្រជែង ជាមួយនឹងបណ្តាលប្រទេសជាច្រើន នៅទូទាំងពិភពលោក”។
ផលិតផលទឹកដោះគោ Balactan ត្រូវបាននាំចូលពីប្រទេសអេស្បាញដោយក្រុមហ៊ុន MTSL Investment Co, Ltd ដែលផលិតផលនេះកំពុងចាប់ផ្តើមមានការពេញនិយមនៅកម្ពុជា។
លោកថេង ស្រេងបានបន្តថា ការចូលរួមលេងកីឡាគឺពិតជាសំខាន់ណាស់ ព្រោះយើងអាចទទួលបានពីកីឡាបានច្រើនដូចជា ពេលដែលយើងលេងបាល់ទាត់ នឹងទទួលបានសុខភាពល្អ មានទំនាក់ទំនងល្អ ជួយដល់ការលូតកម្ពស់ ឆ្អឹងរឹងមាំ និងជួយឲក្មេងមានភាពឈ្លាសវៃ ហើយជាពិសេសនោះ ជួយឲក្មេងៗជៀសឆ្ងាយពីគ្រឿងញៀនផងដែរ៕
