ដោយៈ ម៉ាលីនណា
ភ្នំពេញៈ ដោយសារការសាងសង់ ដើម្បីអនុញ្ញាត្តឲ្យរថយន្តអាចបើក ក្នុងល្បឿនលឿនបាន ផ្លូវល្បឿនលឿនភ្នំពេញ ព្រះសីហនុ នឹងមិនអនុញ្ញាត្តឲ្យយានយន្តបើកបរក្នុងល្បឿនតិចជាង៧០គីឡូម៉ែត្រក្នុងមួយម៉ោងបើកបានទេ។
យោងតាមផេកផ្លូវការរបស់គំរោងផ្លូវល្បឿនលឿនភ្នំពេញ ព្រះសីហនុដែលបានចេញផ្សាយដោយដាក់ចំណងជើង “ចំណេះដឹងរហ័ស”បានលើកជាសំណួរថា តើអ្នកគិតថាម៉ូតូអាចជិះនៅលើផ្លូវល្បឿនលឿនបានទេ?។
ចម្លើយគឺមិនអាចទេ! យោងទៅតាមច្បាប់ អ្នកដំណើរ យានជំនិះម៉ូតូ ឡានត្រាក់ទ័រ តុកតុកនិងយានជំនិះផ្សេងៗ ដែលមានល្បឿនតិចជាង70km/h គឺមិនអាចឡើងផ្លូវល្បឿនលឿនបានទេ។
ផ្លូវល្បឿនលឿនភ្នំពេញ ព្រះសីហនុនឹងបើកឲ្យដំណើរការ អំឡុងត្រីមាសទី៣នាឆ្នាំ២០២២ខាងមុខនេះ បន្ទាប់ពីផ្លូវដែលចំណាយទឹកប្រាក់យ៉ាងច្រើន ក្នុងប្រវត្តិសាស្រ្តកម្ពុជានេះបានបញ្ចប់ការស្ថាបនាជាផ្លូវការ។
ផ្លូវនេះមានរបងសងខាង ដែលមិនអនុញ្ញាត្តឲ្យយានយន្ត សត្វពាហនៈ ធ្វើដំណើរឆ្លងកាត់ក្រៅពីទីចំណតឈប់សំរាក ដែលបានសាងសង់ឲ្យឈប់សំរាកនោះទេ៕
