ដោយៈសហការី
ភ្នំពេញៈ ជីវិតជោគជ័យ ត្រួវមានអ្វីខ្លះមនុស្សជាច្រើនបានគិតអំពីលុយ ឬទ្រព្យសម្បត្តិដែលពួកគេមាន ព្រមទាំងមានសុខភាពល្អ ប៉ុន្តែអ្នកខ្លះមិនប្រាថ្នាលុយច្រើនពេកទេ គឺសមល្មម តែអាចជួយសង្គមបានច្រើន ក៏កំណត់ថាខ្លួនជោគជ័យដែរ។
សុខភាពល្អ ក៏ជាចំណែកមួយនៃភាពជោគជ័យក្នុងឆាកជីវិតដែរ ប៉ុន្តែយើងសូមលើកយកគោលការណ៍៨យ៉ាងសំរាប់ ធ្វើការពិចារណាដើម្បីឈានឆ្ពោះទៅរកភាពជោគជ័យ ដូចជា៖
– ភាពជឿជាក់
– ហ៊ានសាកល្បង ហ៊ានចាប់ផ្ដើម
– តស៊ូព្យាយាម មិនលះបង់
– មានប្រាជ្ញាឆ្លាតវាងវៃ
– មានទំនាក់ទំនងល្អ
– ការងារហ្មត់ចត់
– ពិចារណាល្អិតល្អន់មុនធ្វើ
– មានស្មារតីរឹងមាំ
ក្រៅពីកត្តាទាំង ៨យ៉ាងខាងលើ ដែលនាំឆាកជីវិតរបស់លោកអ្នកទៅដល់ជោគជ័យ ព្រះភិក្ខុ វជិរប្បញ្ញោ គូ សុភាព ក៏បានណែនាំបន្ថែមថា អ្នកចាំបាច់ក៏ត្រូវប្រកាន់ខ្ជាប់នូវគោលការណ៍សំខាន់ចំនួន ៣ សម្រាប់ជីវិតរបស់អ្នកផងដែរ។
គោលការណ៍សំខាន់ទាំង ៣ រួមមានដូចខាងក្រោម៖
១) ខន្តី៖ ត្រូវចេះអត់ធ្មត់ចំពោះការលំបាកទាំងឡាយ ទើបបានជោគជ័យ។
២) សច្ចៈ៖ ស្មោះត្រង់ជាមួយភរិយាស្វាមី ដៃគូរកស៊ី ទើបរស់នៅជាមួយគ្នាបានយូរ។
៣) កតញ្ញូ៖ ដឹងគុណ តបគុណចំពោះអ្នកដែលធ្លាប់ជួយយើង ទើបជីវិតបានថ្កុំថ្កើង។
មានទ្រព្យ មានយស មានគុណធម៌ ទើបជីវិតបានសុខ៕
