ដោយៈសុជាតា
ភ្នំពេញៈ ធនាគារជាតិនៃកម្ពុជាបាននិងកំពុងពិនិត្យលើសេចក្តីព្រាងច្បាប់ស្តីពីភាពជាដៃគូរវាងរដ្ឋ និងវិស័យឯកជន ដើម្បីឧត្តមប្រយោជន៍ដល់សេដ្ឋកិច្ច សង្គមកម្ពុជា។
លោកជំទាវ នាវ ច័ន្ទថាណា ទេសាភិបាលរងធនាគារជាតិនៃកម្ពុជា បានអញ្ជើញចូលរួមកិច្ចប្រជុំ គណៈកម្មាធិការគោលនយោបាយសេដ្ឋកិច្ច តាមរយៈប្រព័ន្ធអនឡាញ។ គោលបំណងនៃច្បាប់នេះ មានគោលបំណងលើកកម្ពស់ ការគ្រប់គ្រងយន្តការភាពជាដៃគូរវាងរដ្ឋនិងឯកជន ក្នុងការរៀបចំនិងអនុវត្តគម្រោងហេដ្ឋារចនាសម្ព័ន្ធសាធារណៈ និងគម្រោងសេវាសាធារណៈ ប្រកបដោយប្រសិទ្ធភាព ចីរភាព តម្លាភាព គណនេយ្យភាព និងយុត្តិធម៌ ដើម្បីជាឧត្តមប្រយោជន៍ដល់ការអភិវឌ្ឍសេដ្ឋកិច្ច និងសង្គម នៅប្រទេសកម្ពុជា។
ក្នុងនាមធនាគារជាតិនៃកម្ពុជា លោកជំទាវ បានគាំទ្រនិងអបអរសាទរចំពោះក្រសួងសេដ្ឋកិច្ចនិងហិរញ្ញវត្ថុ ដែលបានរៀបចំសេចក្តីព្រាងច្បាប់ស្តីពី ភាពជាដៃគូរវាងរដ្ឋនិងឯកជន ដ៏មានសារៈសំខាន់នេះឡើង៕
