ដោយៈ សាវុធ
ភ្នំពេញៈ ការនាំចេញសម្លៀកបំពាក់ វាយនភណ្ឌ ស្បែកជើង និងទំនិញធ្វើដំណើរ ពីតំបន់សេដ្ឋកិច្ចពិសេស (SEZs) នៅកម្ពុជា សម្រេចបានទំហំទឹកប្រាក់៣៥៧.៨លានដុល្លារ ក្នុងរយៈពេល៦ខែ ដើមឆ្នាំ២០២១ កើនឡើង១.៤ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ នេះបើយោងតាមតួលេខចុងក្រោយពីក្រសួងពាណិជ្ជកម្ម
តួលេខបានបង្ហាញថា ប្រទេសកម្ពុជាមានតំបន់សេដ្ឋកិច្ចពិសេសចំនួន៥៤ ហើយការនាំចេញត្រូវបានធ្វើឡើងក្រោមកិច្ចព្រមព្រៀងពាណិជ្ជកម្មសេរី ប្រព័ន្ធអនុគ្រោះទូទៅ និងពាណិជ្ជកម្មដែលពេញនិយមបំផុត(MFN)។
ការនាំចេញសម្លៀកបំពាក់មានចំនួនច្រើនបំផុត នៃការនាំចេញសរុប ដោយមានទំហំទឹកប្រាក់២៣២លានដុល្លារពោល ធ្លាក់ចុះ៣.៣ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ការនាំចេញវាយនភណ្ឌកើនឡើង៤១ភាគរយ ស្មើនឹង៧០ លានដុល្លារ ខណៈការនាំចេញស្បែកជើង និងទំនិញធ្វើដំណើរមានតម្លៃ៣៥លានដុល្លារ និង១៩លានដុល្លាររៀងៗខ្លួន។ ការនាំចេញពីរលើកចុងក្រោយបានធ្លាក់ចុះ២.៩ភាគរយ និង២៥.៣ ភាគរយបើធៀបនឹងរយៈពេលដូចគ្នាកាលពីឆ្នាំមុន។
ទីផ្សារសហភាពអឺរ៉ុប និងជប៉ុន គឺជាទីផ្សារធំបំផុតសម្រាប់ផលិតផលកាត់ដេរនៅកម្ពុជា ដែលមានទឹកប្រាក់សរុប៧៧លានដុល្លារ និង៧៤លានដុល្លារ។
ក្នុងចំណោមទំនិញនាំចេញសរុប សហរដ្ឋអាមេរិកគឺជាទីផ្សារធំជាងគេដោយនាំចូល១៥.៧លានដុល្លារ ខណៈ២.៤លានដុល្លារទៀតគឺប្រទេសជប៉ុន។ ទីផ្សារផ្សេងទៀតរួមមានប្រទេសចិន កូរ៉េខាងត្បូង និងសមាជិកអាស៊ាន៕
