ដោយគង់ ម៉ាលីន
ភ្នំពេញៈ អ្នកជំនាញបាននិយាយថា បើសិនជាពលរដ្ឋខ្មែរមានចំណេះដឹងផ្នែកហិរញ្ញវត្ថុ និងមានភាពអំណត់ជីវភាពមិនលំបាកនោះឡើយ។
អ្នកវិភាគសេដ្ឋកិច្ចឯករាជ្យ និងជាអ្នកវិនិយោគលើវិស័យអចលនទ្រព្យលោកង៉ែត ជូបានថ្លែងថា ប្រសិនបើអ្នកសន្សំប្រាក់ ២ដុល្លាកន្លះ (២,៥ដុល្លារ) សម្រាប់កាហ្វេ១កែវ ជារៀងរាល់ថ្ងៃ ក្នុង១ឆ្នាំ អ្នកអាចសន្សំបាន ៩១២,៥ដុល្លារ។ លោកបន្តថា បើអ្នកសន្សំបែបនេះជារៀងរាល់ថ្ងៃ និងយកប្រាក់ទៅវិនិយោគជារៀងរាល់ឆ្នាំ ជាមួយនឹងផលចំណេញផ្គួបប្រចាំឆ្នាំ១៥% នោះអ្នកនឹងទទួលបាន ទី១ សម្រាប់អ្នកមានអាយុ២០ឆ្នាំ ដល់ពេលអ្នកមានអាយុ ៥០ឆ្នាំ អ្នកនឹងមានប្រាក់សរុបជាង ៤០ម៉ឺនដុល្លាអាមេរិក។
ទី២ សម្រាប់អ្នកមានអាយុ២៥ឆ្នាំ ដល់ពេលអ្នកមានអាយុ៥០ឆ្នាំ អ្នកនឹងមានប្រាក់សរុបជាង ១៩ម៉ឺនដុល្លារអាមេរិក។ ទី៣ សម្រាប់អ្នកមានអាយុ៣០ឆ្នាំ ដល់ពេលអ្នកមានអាយុ៥០ឆ្នាំ អ្នកនឹងមានប្រាក់សរុបជាង ៩ម៉ឺនដុល្លារអាមេរិក។
ប្រសិនបើអ្នកជាអ្នកវិនិយោគពិតប្រាកដ ឱកាសនៃការវិនិយោគដែលទទួលបានផលចំណេញផ្គួបប្រចាំឆ្នាំ១៥% មិនលំបាករកនោះទេ៕