តើ​គេហទំព័រ​ព៌​ត​មាន​អាចជួយ​ដល់​អាជីវកម្ម​របស់​អ្នក​អ្វីខ្លះ?

ដោយៈ សាវុធ

ភ្នំពេញៈ មនុស្ស​ភាគច្រើន​ចង់​ស្នើ​កម្ចី ដើម្បី​បង្កើត​អាជីវកម្ម ឬ​ចង់​ពង្រីក​អាជីវកម្ម​របស់​ពួកគេ។ ក្នុង​កាលៈទេសៈ​នេះដែរ គេហទំព័រ​នឹង​ជួយ​អោយ​អាជីវកម្ម​របស់​អ្នក ទទួលបាន​ជោគជ័យ​យ៉ាង​ឆាប់រហ័ស។

ថ្ងៃនេះ​យើង​មាន​គន្លឹះ​មួយចំនួន សំរាប់​ចែករំលែក​ដល់​អ្នក ពី​ការប្រើប្រាស់​គេហទំព័រ ដើម្បី​ជួយ​អោយ​អាជីវកម្ម​របស់​អ្នក កាន់​តែមាន​ភាពប្រសើរ​ឡើង។

សព្វថ្ងៃនេះ​មនុស្ស​គ្រប់គ្នា សុទ្ធតែ​អាច​ប្រើប្រាស់​ប្រព័ន្ធ​អ៊ី​ន​ធឺ​ណេ​ត តាមរយៈ​ទូរស័ព្ទដៃ​ឬ​កុំព្យូទ័រ​របស់​ពួកគេ​បាន ដូច្នេះហើយ​គេហទំព័រ​ពិត​ជាមាន​សារៈសំខាន់ ក្នុង​ការជួយ​ផ្សព្វផ្សាយ​ពី​អាជីវកម្ម​របស់​អ្នក បាន​យ៉ាង​មាន​ប្រសិទ្ធភាព។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

មុន​ពេលដែល​ពួកគេ​មក​ហាង​របស់​អ្នក ឬ​មកជួប​អ្នក​ផ្ទាល់ ទាំង​អតិថិជន ទាំង​គូប្រកួត​ប្រជែង​ព្រមទាំង​វិនិយោគិន អាច​ទទួលបាន​ព័ត៌មាន​របស់​ក្រុមហ៊ុន​អ្នក តាមរយៈ​គេហទំព័រ។ វា​ជា​វិធី​មួយ​ដ៏​ល្អ ដែល​អ្នក​អាច​បង្ហាញ​ពី​សក្ដានុពល​នៃ​អាជីវកម្ម​អ្នក ទៅ​អ្នក​គ្រប់គ្នា​តាមរយៈ​ប្រព័ន្ធ​អ៊ី​ន​ធឺ​ណេ​ត។ យ៉ាងហោចណាស់ អ្នក​គួរតែមាន​ជា​ហ្វេ​ស​ប៊ុ​ក​ឬ​អ៊ី​ន​ស្ដា​ក្រាម សម្រាប់​អាជីវកម្ម​អ្នក​ផ្ទាល់ ប៉ុន្តែ​ការបង្កើត​គេហទំព័រ​សម្រាប់ ក្រុមហ៊ុន​របស់​អ្នក ជា​ជម្រើស​មួយ​ដ៏​ល្អ ហើយ​មាន​លក្ខណៈ​អាជីព​ទៀតផង។

គេហទំព័រ​ជា​ផ្នែក​មួយ ដែល​ជួយ​ផ្សព្វផ្សាយ​ពី​អាជីវកម្ម​របស់​អ្នក អោយគេ​បាន​ស្គាល់​កាន់តែច្រើន ហើយ​អ្នក​មិនចាំបាច់​ចំណាយ​ប្រាក់​ច្រើន ដូច​ការផ្សព្វផ្សាយ​តាមរយៈ​ទូរទស្សន៍​នោះទេ។ គេហទំព័រ​មាន​អត្ថប្រយោជន៍ ចំពោះ​គ្រប់​អាជីវកម្ម​ទាំងអស់ មិន​ថា​អាជីវកម្ម ដែល​ប្រើប្រាស់​បច្ចេកវិទ្យាទំនើបៗក្ដី ឬ​ជា​ប្រភេទ​អាជីវកម្ម​សិប្បកម្ម​ក្ដី​សុទ្ធតែ​អាចបង្កើត​គេហទំព័រ​សម្រាប់​អាជីវកម្ម​ខ្លួន​បាន​ទាំងអស់។

គេហទំព័រ​អាចជួយ​បង្ហាញ​ពី​ផលិតផល ឬក៏​សេវាកម្ម​របស់​អ្នក​ដល់​អតិថិជន​សក្ដា​នុព​ល ឬ​វិនិយោគិន​ដែល​ចង់​សហការ​ជាមួយ​អ្នក អោយបាន​ស្គាល់​អ្នក​កាន់តែច្បាស់។ គេហទំព័រ​របស់​អ្នក គួរតែមាន​ព័ត៌មាន​ទូទៅ​អំពី​ក្រុមហ៊ុន​របស់​អ្នក រួច​ទាំង​ផលិតផល​ឬ​សេវា ព្រមទាំង ម្ចាស់​ភាគហ៊ុន​ផ្តើម​បង្កើត​អាជីវ​កម្មនេះ​ផងដែរ។

អតិថិជន​ចង់ដឹង​ពី​របៀប​ដែល​ពួកគេ​អាច ស្វែងយល់​ពី​អាជីវកម្ម​អ្នក​បាន គេហទំព័រ​គឺជា​កន្លែង​ដែល​ល្អ​បំផុត ក្នុងការ​បង្ហាញ​ពី​អាស័យដ្ឋាន ផែនទី​ដែល​អាច​ទៅដល់​ក្រុមហ៊ុន​អ្នក រួមទាំង​ម៉ោង​ធ្វើការ និង​លេខ​ទូរស័ព្ទ​ទំនាក់ទំនង​ទៀតផង។ ការបង្ហាញ​នេះ​ជួយ​អោយ​អតិថិជន អាច​ស្វែងរក​ក្រុមហ៊ុន​របស់​អ្នក​បាន​ដោយ​ងាយស្រួល។

តាមរយៈ​គេហទំព័រ​នេះដែរ អ្នក​អាចធ្វើ​ការទំនាក់ទំនង ជាមួយ​អតិថិជន​របស់​អ្នក ហើយ​ពួកគេ​នឹង​ចាប់ផ្ដើម​ជឿទុកចិត្ត ចំពោះ​ក្រុមហ៊ុន​របស់​អ្នក នៅពេលដែល​ពួកគេ​ទាក់ទង​ជាមួយ​អ្នក បាន​ងាយស្រួល​បែបនេះ។ អ្នក​អាចបង្កើត​ទម្រង់​ដែល​អនុញ្ញាតអោយ​អតិថិជន​អ្នក ធ្វើការ​កក់​ទុក ឬ​ការបំពេញ​នូវ​ព័ត៌មាន ដែល​អ្នក​អាចទាក់ទង​ទៅ​ពួកគេ​បាន។

គេហទំព័រ​ជា​វិធី​មួយ​ដែល​ល្អ​សម្រាប់​អ្នក ដើម្បី​ស្វែងយល់​ពី​អតិថិជន​បន្ថែម ឬ​អ   ញ្ជើ​ញ​ពួកគេ​អោយចូល​រួម​ក្នុង​កម្មវិធី​របស់​អ្នក ហើយ​និង​ការប្រកាស់​ពត៌មានថ្មីៗពី​អាជីវកម្ម​របស់​អ្នក។ ប្រសិនបើ​អ្នក​ពឹងផ្អែក​តែ​លើ​បណ្ដាញ​ហ្វេ​ស​ប៊ុ​ក ដើម្បី​ទាក់ទង​ជាមួយ​អតិថិជន អ្នក​អាច​នាំ​អតិថិជន ដែល​ចូល​មើល​គេហទំព័រ​ចូលទៅ ចុច​គាំទ្រ​ហ្វេ​ស​ប៊ុ​ក​របស់​អ្នក​បាន ធ្វើ​ដូចនេះ អ្នក​អាច​កំណត់​អតិថិជន​របស់​អ្នក នៅពេល​ខាងមុខ​បាន។

នៅពេល​អ្នក​ចាប់ផ្ដើម​អាជីវកម្ម ការផ្សព្វផ្សាយ​តាម​បណ្ដាញ​អ៊ី​ន​ធឺ​ណេ​ត វា​នឹង​ជួយ​អោយ​អាជីវកម្ម​របស់​អ្នក​កាន់តែ​រីកចម្រើន។ អ្នក​អភិវឌ្ឍ​គេហទំព័រ អាច​រចនា​គេហទំព័រ​របស់​អ្នក ដោយ​បង្ហាញ​ពី​ផលិតផល​និង​សេវា អោយមាន​ភាព​ទាក់ទាញ ដល់​អ្នក​ដែល​បាន​ចូល​មើល​គេហទំព័រ​របស់​ក្រុមហ៊ុន​អ្នក។ បន្ថែម​ពីនេះ​ទៅទៀត អ្នក​អាច​ជួល​អ្នកឯកទេស SEO ដើម្បីអោយ​អតិថិជន​មើលឃើញ​វត្តមាន​អ្នក នៅលើ​ប្រព័ន្ធ​អ៊ី​ន​ធើ​ណេ​ត​កាន់តែ​ច្រើនឡើង។

ការបង្កើត​នូវ​គេហទំព័រ ហាក់ដូច​ជាមាន​ភាពស្មុគស្មាញ​ជាង ការបង្កើត​ហ្វេ​ស​ប៊ុ​ក​ឬ​អ៊ី​ន​ស្តា​ក្រាម ប៉ុន្តែ វា​ជួយ​អោយ​អាជីវកម្ម​របស់​អ្នក​រីកចម្រើន ខុសពី​ការបង្កើត​ហ្វេ​ស​ប៊ុ​ក ឬ អ៊ី​ន​ស្តា​ក្រាម។ ក្រុមហ៊ុន​ដែល​ទទួលបាន​ជោគជ័យ​ភាគច្រើន មាន​គេហទំព័រ​ខ្លួនឯង។ កាលដែល​ក្រុមហ៊ុន​មាន​គេហទំព័រ​ខ្លួនឯង​នេះ វា​បង្ក​នូវ​ភាពងាយស្រួល​ក្នុងការ​ទាក់ទង ធ្វើអោយ​អតិថិជន​និង​វិនិយោគិន មាន​អារម្មណ៍ល្អ​ចំពោះ​អាជីវកម្ម​ខ្លួន៕ Spean៕

LEAVE A REPLY

Please enter your comment!
Please enter your name here