តើ​រដ្ឋាភិបាល​អាច​ប្រមូល​ចំណូល​ចូល​ថវិកាជាតិ​តាមរយៈ​អ្វីខ្លះ?

ដោយៈ គង់ ម៉ា​លីន​ណា

ភ្នំពេញៈ រដ្ឋាភិបាល​ប្រទេស​និមួយៗអាច​ប្រមូល​ចំណូល​ចូល​ថវិកាជាតិ​របស់ខ្លួន មាន​ភាពស្រដៀងគ្នា និង​ខុសគ្នា​អាស្រ័យ​លើ​ធនធាន​ប្រទេស​និមួយ។

ប៉ុន្តែ​សំរាប់​រដ្ឋាភិបាល​កម្ពុជា បានធ្វើ​ការចំណាយផ្សេងៗជាច្រើន​លើៈ យោធា ប៉ូលីស និង​ការផ្ដល់សេវាផ្សេងៗដូចជា វិស័យ​អប់រំ និង​សុខាភិបាល​ជាដើម ។ល។

ប៉ុន្តែ​មូលដ្ឋាន​ទុន សម្រាប់​យកមកប្រើ​ប្រាស់​សំរាប់​ការចំណាយ​នេះ អាច​រកបាន​តាម​វិធី​ផ្សេង​ដូចជា

• ពន្ធដារ
• ពន្ធ​លើ​ការបោះពុម្ព​ក្រដាសប្រាក់(seigniorage)
• កម្ចី​ពី​ប្រជាពលរដ្ឋ ឬ​ពី​បរទេស
• ការប្រើ​ទុនបម្រុង​សារពើពន្ធ
• ការលក់​អចលនទ្រព្យ (ឧ. ដី)។

កម្ចី​ពី​សាធារណៈជន

គេ​អាច​ដោះស្រាយ​បញ្ហា​ឱនភាព​សារពើពន្ធ បាន​ដោយ​ការបោះពុម្ព​មូលប័ត្រ (bond) ដូចជា​ប័ណ្ណ​រតនាគា (treasury bill) ជាដើម។ រដ្ឋាភិបាល​ត្រូវ​បង់​ការប្រាក់​ទៅ​អ្នកទិញ​មូលប័ត្រ​ក្នុង​កាលកំណត់​ណាមួយ ឬក៏​កាល​មិន​កំណត់។

ប្រសិនបើ​ការសង​ការប្រាក់ និង​ប្រាក់​ដើម​មានតម្លៃ​ខ្ពស់​ពេក ប្រទេស​ចុង​កម្ចី​អាច​នឹងមិន​សងបំណុល ជាធម្មតា​ទៅ​ឥណទាយក​បរទេស៕