ដោយៈ ម៉ាណេត
ភ្នំពេញៈ ក្រុមហ៊ុន Ooctane ដែលបានបណ្តាក់ទុនរួមនៅកម្ពុជា គាំទ្រដោយក្រុមហ៊ុនដឹកជញ្ចូនក្នុងស្រុក Worldbridge Group កំពុងរិះរកឱកាសវិនិយោគ ដំណាក់កាលចុងក្រោយនៅកម្ពុជា ដោយសារការចរចាធុរកិច្ចកាល ពីដំណាក់ដំបូងមានភាពខ្វះខាត។ នេះបើយោងតាមការចេញផ្សាយ របស់សារព័ត៌មានជប៉ុន Nikkei នៅថ្ងៃទី៣ ខែមីនា ឆ្នាំ២០២១ ។
ក្រុមហ៊ុនបណ្តាក់ទុនរួម ដែលមានទឹកប្រាក់៥៥លានដុល្លារនេះ កំពុងស្វែងរកការផ្តល់ប្រឹក្សាដល់ក្រុមហ៊ុនផងដែរ ហើយក្រុមហ៊ុនក៏សម្លឹងមើល លើការវិនិយោគក្នុងភាគហ៊ុនរបស់ក្រុមហ៊ុនឯកជនដែរ។
លោក Tapas Kuila ដៃគូវិនិយោគរបស់ក្រុមហ៊ុនបានប្រាប់ DealStreetAsia ថា គោលដៅរបស់ក្រុមហ៊ុន គឺ “អាជីវកម្ម ដែលរកប្រាក់ចំណូលល្អ” ដែលមានសេដ្ឋកិច្ចឯកតាយ៉ាងខ្លាំង ជាមួយយុទ្ធសាស្ត្រកំណើន និងផ្លូវឆ្ពោះទៅរកប្រាក់ចំណេញច្បាស់លាស់។
ក្រុមហ៊ុន Ooctane បានប្រកាសបិទការប្រមូលមូលនិធិដំបូង របស់ខ្លួននៅចុងឆ្នាំ២០១៨ ដែលមូលនិធិនេះ ត្រូវបានវិនិយោគលើអាជីវកម្មទាក់ទង នឹងបច្ចេកវិទ្យានៅប្រទេសកម្ពុជា។
ក្រុមហ៊ុននេះ ផ្តោតសំខាន់លើវិស័យជាច្រើន ដូចជាភ័ស្តុភារ ពាណិជ្ជកម្មអេឡិចត្រូនិច អចលនទ្រព្យ និងសេវាកម្មហិរញ្ញវត្ថុ។ ទោះយ៉ាងណា ក្រុមហ៊ុនក៏បើកចំហចំពោះការវិនិយោគលើក្រុមហ៊ុនផ្សារលករាយ ដែលកំពុងប្រើបច្ចេកវិទ្យា ជម្រុញការផ្លាស់ប្តូរទៅរកប្រព័ន្ធឌីជីថល។
ខណៈសកម្មភាពវិនិយោគមានភាពអន់ថយ ដោយសារវិបត្តិកូវីដ១៩ ក្រុមហ៊ន Ooctane បានអះអាងថា បានចំណាយពេលវេលាជាច្រើនកាលពីឆ្នាំមុន ក្នុងការផ្តល់ប្រឹក្សា និងជួយក្រុមហ៊ុនអំពីវិធីដើម្បីគេចផុតពីពីវិបត្តិកូវីដ១៩ ។
លោក Kuila បានថ្លែងថា “ជាទូទៅយើងបន្ថែមគុណតម្លៃ ដោយប្រកាន់យកវិធីសាស្ត្រដោះស្រាយដោយផ្ទាល់ ជាមួយក្រុមហ៊ុនផលប័ត្ររបស់យើង ដោយដើរតួយ៉ាងសំខាន់ក្នុងប្រតិបតិ្តការ និងផ្តល់យោបល់សម្រាប់ពួកគេ តាមតំរូវការរបស់ពួកគេ” ៕
