ដោយៈសុខុម
វ៉ាស៊ីនតោន: ការចរចាជុំវិញសេចក្ដីព្រាងច្បាប់កញ្ចប់ថវិកា ស្ដារសេដ្ឋកិច្ចពីវិបត្តិកូវីដ-១៩ ចំនួន១,៩ទ្រីលានដុល្លារ របស់ប្រធានាធិបតីលោកចូ បៃឌិន នឹងឈានដល់ចំណុចក្ដៅគគុកនៅសប្តាហ៍នេះ។ នេះបើយោងតាមសារព័ត៌មាន CNA ចុះផ្សាយកាលពីថ្ងៃទី៣ មីនា។
ក្រុមសមាជិកព្រឹទ្ធសភាអាមេរិក ចាប់ផ្តើមជជែកដេញដោលអំពីសេចក្ដីព្រាងច្បាប់កញ្ចប់ថវិកានេះ ហើយក្រុមសមាជិកភាពកំពុងទទូចឱ្យដាក់បញ្ចូល គម្រោងសត្វចិញ្ចឹមដូចជា ការភ្ជាប់អ៊ីនធឺណិតចាប់សញ្ញាតាមដានសត្វជាដើម។
សមាជិកព្រឹទ្ធសភា លោក Angus King ជាអ្នកនយោបាយឯករាជ្យ ដែលគាំទ្រក្រុមប្រជាធិបតេយ្យ បាននិងកំពុងជំរុញឱ្យលៃទុកកញ្ចប់ទឹកប្រា ក់រាប់ពាន់លានដុល្លារ ដើម្បីពង្រីកសេវាកម្មភ្ជាប់អ៊ីនធឺណិត ចាប់សញ្ញាតាមដានសត្វល្បឿនលឿន នៅតាមតំបន់ជនបទ ជាគំនិតមួយដែលអាចទាក់ទាញ ការគាំទ្រពីគណបក្សសាធារណរដ្ឋផងដែរ។
ទោះជាយ៉ាងណា ក្រុមប្រជាធិបតេយ្យ មិនគួររំពឹងច្រើនពេកឡើយដែលថា ក្រុមសាធារណរដ្ឋ នឹងគាំទ្រសេចក្តីព្រាងច្បាប់នេះទាំងមូលនោះ។
លោក Mitch McConnell ដែលជាប្រធានសំឡេងភាគតិច នៃព្រឹទ្ធសភាបានប្រាប់ក្រុមអ្នកយកព័ត៌មានថា “ខ្ញុំសង្ឃឹមថា នៅចុងបញ្ចប់សមាជិកព្រឹទ្ធសភា មកពីគណបក្សសាធារណរដ្ឋនឹងជំទាស់ជាឯកច្ឆន្ទ ដូចដែលក្រុមសមាជិកសភា មកពីគណបក្សសាធារណរដ្ឋបានធ្វើអញ្ចឹងដែរ”។
ទោះជាយ៉ាងណា ក្រុមប្រជាធិបតេយ្យទទួលបានការគាំទ្រច្រើន តាមរយៈការស្ទង់មតិសាធារណៈដែលបង្ហាញថា ពលរដ្ឋអាមេរិកភាគច្រើនគាំទ្រ ផែនការស្ដារសេដ្ឋកិច្ចរបស់លោកចូ បៃឌិន។
ព្រឹទ្ធសភានឹងត្រូវពិភាក្សាដេញដោលអំពី សេចក្ដីព្រាងច្បាប់នេះនៅថ្ងៃពុធទី៣ មីនា នេះ ក្រោយសភាអនុម័តបានអនុម័តកាលពីចុងសប្ដាហ៍កន្លងទៅ។
កំណែសេចក្ដីព្រាងច្បាប់ដែលសភាបានអនុម័ត នឹងរ៉ាប់រងចំណាយលើវ៉ាក់សាំងកូវីដ-១៩ ការផ្គត់ផ្គង់គ្រឿងបរិក្ខារវេជ្ជសាស្ត្រ ការផ្ដល់ជំនួយហិរញ្ញវត្ថុបន្ទាន់ជុំថ្មីដល់ក្រុមគ្រួសារពលរដ្ឋ អាជីវកម្មខ្នាតតូច និងរដ្ឋអំណាចមូលដ្ឋាន។
ចំណែឯកំណែសេចក្ដីព្រាងច្បាប់របស់ព្រឹទ្ធសភា ទំនងជានឹងដាក់បញ្ចូលវិសោធនកម្មដ៏ធំមួយនោះគឺ លុបចោលការដំឡើងប្រាក់ឈ្នួលអប្បបរមា ពី៧,២៥ដុល្លារនាពេលបច្ចុប្បន្នដល់ ១៥ ដុល្លារក្នុងមួយម៉ោងក្នុងរយៈពេល៥ឆ្នាំ។
ប្រសិនបើព្រឹទ្ធសភាអនុម័តសេចក្តីព្រាងច្បាប់នេះ ដែលប្រហែលជាធ្វើឡើងត្រឹមដំណាច់សប្ដាហ៍នេះ សភានឹងត្រូវសម្រេចជាលើកចុងក្រោយ មុននឹងបញ្ជូនទៅឱ្យលោក ចូ បៃឌិន ដាក់ចេញជាច្បាប់ធរមាន។
លោក Steny Hoyer ដែលជាប្រធានសំឡេងភាគតិចនៅរដ្ឋសភានិយាយថា ការបោះឆ្នោតលើកចុងក្រោយ នឹងធ្វើឡើងនៅសប្តាហ៍ក្រោយ៕