ដោយ៖ សាវុធ
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃចន្ទ ទី១ ខែកុម្ភៈ ឆ្នាំ២០២១ នឹងអញ្ជើញអញ្ជើញបើកការដ្ឋានសាងសង់រោងចក្រប្រព្រឹត្តកម្មទឹក ស្អាតបាក់ខែង និងពិធីសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតចម្ការមន។
រោងចក្រប្រព្រឹត្តកម្មទឹកស្អាតនេះ នឹងជួយបង្កើនសមត្ថភាពផលិតទឹកបាន ៧០ភាគរយ នៅទូទាំងរាជធានីភ្នំពេញ និងក្រុងតាខ្មៅ ពោលគឺបន្ថែមលើសមត្ថភាពផលិតទឹកស្អាតបច្ចុប្បន្នពី ៦០ម៉ឺនម៉ែត្រគូបក្នុងមួយថ្ងៃ ឱ្យឡើងរហូតដល់ ១លានម៉ែត្រគូបក្នុងមួយថ្ងៃ នៅឆ្នាំ២០២៥ ។
ក្រុមហ៊ុន Vinci Contruction Grands Projets ទទួលបានកិច្ចសន្យាសាងសង់រោងចក្រប្រព្រឹត្តម្មទឹកស្អាត បាក់ខែងនេះ តាមរយៈការប្រកួតប្រជែងដេញថ្លៃជាលក្ខណៈអន្តរជាតិនាឆ្នាំ២០១៩ ហើយនេះក៏ជាការអនុវត្តគម្រោង សាងសង់រោងចក្រប្រព្រឹត្តកម្មទឹកស្អាតជាលើកទី៣ របស់ក្រុមហ៊ុន ដែលរដ្ឋាករទឹកស្វយ័តក្រុងភ្នំពេញបានប្រគល់ឱ្យ។
ក្រុមហ៊ុន Vinci Contruction Grands Projets បានបញ្ចប់ការងារសាងសង់រោងចក្រប្រព្រឹត្តកម្មទឹកស្អាតនិរោធជំហានទី២ (២០១៤-២០១៧) និងការងារសាងសង់រោងចក្រប្រព្រឹត្តកម្មទឹកស្អាតចម្ការមន (២០១៧-២០១៩) ។ សរុបតម្លៃកិច្ចសន្យាសាងសង់ទាំងបីមានប្រមាណជា ២១០លានដុល្លារសហរដ្ឋអាម៉េរិក។
គម្រោងផ្គត់ផ្គង់ទឹកស្អាតបាក់ខែង ទទួលបានហិរញ្ញប្បទានសម្បទានពីរដងពីទីភ្នាក់ងារបារាំងសម្រាប់ការអភិវឌ្ឍន៍ (AFD) សម្រាប់ការងារសាងសង់រោងចក្រព្រឹត្តកម្មទឹកស្អាតបាក់ខែងទាំងពីរជំហាន។
សម្រាប់ជំហានទី១ ទីភ្នាក់ងារបារាំងសម្រាប់ការអភិវឌ្ឍ (AFD) មានថវិកាចំនួន ៨៥លានដុល្លារអាម៉េរិក ធនាគារវិនិយោគអឺរ៉ុប (EIB) ថវិកាចំនួន ១០០លានដុល្លារអាម៉េរិក និងហិរញ្ញប្បទានឥតសំណងពីសហភាពអឺរ៉ុប (EU) ចំនួន ១៥លានដុល្លារអាម៉េរិក។
សម្រាប់ជំហានទី២ ថវិការបស់ទីភ្នាក់ងារបារាំងសម្រាប់ការអភិវឌ្ឍ (AFD) ចំនួន ១០០លានដុល្លារអាម៉េរិក ដែលទាំងពីរជំហាននេះ មានថវិកាបដិភាគរបស់រដ្ឋាករទឹកស្វយ័តក្រុងភ្នំពេញចំនួន ៨០លានដុល្លារអាម៉េរិក។
ចំពោះហិរញ្ញប្បទានឥតសំណងរបស់សហភាពអឺរ៉ុប (EU) នេះ សំដៅលើការពង្រីកបណ្ដាញទឹកស្អាតដល់សហគមន៍ប្រជាពលរដ្ឋចំណូលទាប ដែលរស់នៅតាមតំបន់មួយចំនួននៅជាយរាជធានីភ្នំពេញ។
ក្រុមហ៊ុន Vinci Contruction Grands Projets ទទួលបានកិច្ចសន្យាសាងសង់រោងចក្រប្រព្រឹត្តម្មទឹកស្អាត បាក់ខែង តាមរយៈការប្រកួតប្រជែងដេញថ្លៃជាលក្ខណៈអន្តរជាតិនាឆ្នាំ២០១៩ ហើយនេះក៏ជាការអនុវត្តគម្រោង សាងសង់រោងចក្រប្រព្រឹត្តកម្មទឹកស្អាតជាលើកទី៣ របស់ក្រុមហ៊ុន ដែលរដ្ឋាករទឹកស្វយ័តក្រុងភ្នំពេញបានប្រគល់ ឱ្យ។
ក្រុមហ៊ុន Vinci Contruction Grands Projets បានបញ្ចប់ការងារសាងសង់រោងចក្រប្រព្រឹត្តកម្មទឹកស្អាតនិរោធជំហានទី២ (២០១៤-២០១៧) និងការងារសាងសង់រោងចក្រប្រព្រឹត្តកម្មទឹកស្អាតចម្ការមន (២០១៧-២០១៩) ។ សរុបតម្លៃកិច្ចសន្យាសាងសង់ទាំងបីមានប្រមាណជា ២១០លានដុល្លារសហរដ្ឋអាម៉េរិក។
ទន្ទឹមនឹងការវិនិយោគលើរោងចក្រប្រព្រឹត្តកម្មទឹកស្អាតហើយនោះ រដ្ឋាករទឹកស្វយ័តក្រុងភ្នំពេញ ក៏នឹងពង្រីកបំពង់មេ និងបំពង់ចែកចាយទឹករបស់ខ្លួននៅទូទាំងរាជធានីភ្នំពេញ និងក្រុងតាខ្មៅ។ លោក ស៊ឹម ស៊ីថា បានលើកឡើងថា គិតដល់ឆ្នាំ២០២៥ មានបំពង់មេនាំទឹកអង្កត់ផ្ចិតធំប្រវែងប្រមាណជា ១០០គីឡូម៉ែត្រ និងបំពង់ចែកចាយមានអង្កត់ផ្ចិតតូច ប្រវែងប្រមាណជា ១.០០០គីឡូម៉ែត្រ ត្រូវការថវិកាសម្រាប់វិនិយោគប្រមាណជា ១៧០លានដុល្លារអាម៉េរិក។ តាមរយៈការពង្រីកបណ្ដាញបំពង់នេះ ប្រជាពលរដ្ឋប្រមាណជា ១.០៤០.០០០នាក់ នឹងទទួលបានទឹកស្អាតប្រើប្រាស់ផ្ទាល់ពីរដ្ឋាករទឹកស្វយ័តក្រុងភ្នំពេញបន្ថែម៕
