រដ្ឋមន្ត្រី​​ទេសចរណ៍​កម្ពុជា​ និង​វិស័យឯកជន​ចូលរួម​កម្មវិធី​រាត្រី​វៀតណាម ​

ដោយៈ ចំណាន

ភ្នំពេញៈ តបតាមការអញ្ជើញរបស់ភាគីវៀតណាម លោកហួត ហាក់ រដ្ឋមន្ត្រីក្រសួងទេសចរណ៍ បានដឹកនាំគណៈប្រតិភូជាន់ខ្ពស់ក្រសួងទេសចរណ៍ និងវិស័យឯកជន អញ្ជើញចូលរួមកម្មវិធីរាត្រីវៀតណាមក្រោមប្រធានបទ (ITE HCMC Pulse – 20 Years of Accompanying the Nation)។

ពិធីនេះមានការអញ្ជើញចូលរួម ពីសំណាក់លោកជំទាវរដ្ឋមន្រ្តីក្រសួងវប្បធម៌ ទេសចរណ៍ និងកីឡាវៀតណាម ឯកឧត្តម និងលោកជំទាវរដ្ឋមន្រ្តីមីយ៉ាន់ម៉ា និងឡាវ លោកតំណាងអង្គការទេសចរណ៍ពិភពលោក (UN Tourim) អង្គទូត ឯកឧត្តម-លោកជំទាវអភិបាលខេត្ត-ក្រុងធំៗ នៃប្រទេសជិតខាង រួមទាំងថ្នាក់ដឹកនាំជាន់ខ្ពស់ពីវិស័យរដ្ឋ និងឯកជន ដែលជាជំនួបរវាងភាគីរដ្ឋ និងឯកជនក្នុងវិស័យជាច្រើនជួបប្រាស្រ័យទាក់ទង ផ្លាស់ប្តូរយោបល់៕