ដោយៈ ចំណាន
ភ្នំពេញៈ ថ្នាក់ដឹកនាំក្រុមហ៊ុនចិនធំមួយ បានពិភាក្សាជាមួយរដ្ឋមន្រ្តីក្រសួងសាធារណការ ដើម្បីពិភាក្សា និងស្វែងយល់ពីបរិយាកាសវិនិយោគនៅកម្ពុជា។
ព័ត៌មាននេះត្រូវបានលើកឡើង បន្ទាប់ពីលោកប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអនុញ្ញាតឱ្យ Mr. YIN Jingming ប្រធានក្រុមហ៊ុន GUANGDONG HONGSHENG TECHNOLOGY Co., LTD. និងប្រតិភូ ចូលជួបសម្តែងការគួរសម និងពិភាក្សាការងារ ដោយមានការចូលរួមពីមន្រ្តីពាក់ព័ន្ធ។
ជំនួបនេះមានគោលបំណង ពិភាក្សាស្វែងយល់ពីឱកាសវិនិយោគនៅកម្ពុជាលើវិស័យជំនាញ ដែលក្រុមហ៊ុនមានបទពិសោធន៍ ដូចជា បច្ចេកវិទ្យាដឹកជញ្ជូនឆ្លាតវៃ ប្រព័ន្ធគ្រប់គ្រង និងត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់៕
