ដោយៈលក្ខិណា
ភ្នំពេញៈ ក្រុមមន្ត្រីនៅទីក្រុង Yokohama នៃប្រទេសជប៉ុន បានបោះឆ្នោតលុបចោលគំនិតនៃការធ្វើប្រជាមតិថា តើត្រូវសាងសង់រមណីយដ្ឋានរួមបញ្ចូលគ្នា ជាមួយកាស៊ីណូក្នុងទីក្រុងឬយ៉ាងណា។
ប្រជាជនជប៉ុនជាង២០ម៉ឺននាក់ បានចុះហត្ថលេខាលើញត្តិអំពាវនាវ អោយមានការបោះឆ្នោតជាសាធារណៈលើបញ្ហានេះ ដែលជារឿងចម្រូងចម្រាស ព្រោះទីតាំងអគារដែលបានគ្រោងទុកនឹងរួមបញ្ចូលកាស៊ីណូនៅទីនោះ ។
រដ្ឋាភិបាលជប៉ុនបានអនុម័តច្បាប់មួយ កាលពីឆ្នាំ ២០១៦ ដែលបានផ្តល់ភ្លើងខៀវដល់រមណីយដ្ឋានពហុវិស័យ ដែលជាផ្នែកមួយនៃយុទ្ធសាស្ត្រ ជំរុញវិស័យទេសចរណ៍ និងធ្វើឱ្យសេដ្ឋកិច្ចក្នុងស្រុក ងវិញ។ ក្រៅពីសណ្ឋាគារ អគារនឹងមានកាស៊ីណូ អគារពាណិជ្ជកម្ម និងសាលសន្និសីទអន្តរជាតិទីក្រុងកំពង់ផែ Yokohama ត្រូវបានគេចាត់ទុកថា ជាទីតាំងឈានមុខគេ សម្រាប់រមណីយដ្ឋានពហុយ៉ាង ហើយអភិបាលក្រុង លោកស្រី Hayashi Fumiko ក៏ជាអ្នកជួយគាំទ្រក្នុងការតស៊ូមតិនេះដែរ ។
លោកស្រីជឿជាក់ថា “រមណីយដ្ឋានពហុវិស័យនេះនឹង រួមចំណែកយ៉ាងច្រើនដល់ប្រាក់ចំណូលពន្ធរបស់ទីក្រុង តាមរយៈការជម្រុញវិស័យទេសចរណ៍” ។
មន្ត្រីទីក្រុងបានប៉ាន់ប្រមាណថា ទីតាំងរមណីយដ្ឋាននេះ អាចរកចំណូលបានពី៧ ទៅ១០ពាន់លានដុល្លារក្នុងមួយឆ្នាំ សម្រាប់សេដ្ឋកិច្ចក្នុងស្រុក ។
លោកស្រីបាននិយាយកាលពីខែវិច្ឆិកាកន្លងមកថា “ខ្ញុំគោរពគំនិតរបស់ប្រជាជន ហើយក្នុងនាមជាអភិបាលក្រុង សូមបង្ហាញទស្សនៈតាមរបៀបងាយយល់។ ប៉ុន្តែចាប់តាំងពីពេលនោះមក ការគាំទ្ររបស់លោកស្រីបានចុះខ្សោយ។ នេះអាចបណ្តាលមកពីការពិតដែលលោកស្រី បានត្រៀមខ្លួនសម្រាប់ការបោះឆ្នោតឡើងវិញនៅឆ្នាំនេះ ហើយនឹងត្រូវការការគាំទ្រ ពីគណបក្សប្រជាធិបតេយ្យសេរី ដែលកំពុងកាន់អំណាច ដើម្បីរក្សាការស្ថិតនៅក្នុងតំណែង។
គណបក្សប្រជាធិបតេយ្យសេរី LDP និងដៃគូចម្រុះរបស់ខ្លួន បានប្រឆាំងនឹងគំនិតនៃការធ្វើប្រជាមតិ ។
លោកស្រី Hayashi Fumiko បានបញ្ជាក់ថា សេចក្តីព្រាងច្បាប់នេះចែងថា រដ្ឋបាលមូលដ្ឋាន គួរតែគោរពលទ្ធផលនៃការធ្វើប្រជាមតិ ប៉ុន្តែលោកស្រីថា នេះជាការលំបាក ដោយពិចារណាលើការពិភាក្សា ដែលបានរៀបចំរួចហើយនៅក្នុងសភា។
ក្រុមប្រជាពលរដ្ឋ បានសម្តែងការខកចិត្ត ចំពោះអ្វីដែលពួកគេឃើញថា ជាការនិយាយមិនពិតប្រាកដ របស់លោកស្រី Hayashi ។
អ្នកតំណាងម្នាក់បាននិយាយថា ចម្លើយរបស់អភិបាលក្រុង គឺមិនមែនជាការយកចិត្តទុកដាក់នោះទេ៕
