ដោយៈសុខុម
CNN: យើងបានដឹងហើយថា ក្នុងឆ្នាំ២០២០កន្លងទៅ មានយន្តហោះធ្វើដំណើរតាមផ្លូវអាកាសតិចតួចបំផុត ដោយសារការឆ្លងរាតត្បាតជំងឺកូវីដ-១៩ ប៉ុន្តែបើនិយាយដល់ការធ្វើដំណើរតាមផ្លូវអាកាសនាពេលអនាគត អ្នកប្រហែលចាប់អារម្មណ៍លើការដាក់ចំណាត់ថ្នាក់ក្រុមហ៊ុនអាកាសចរណ៍ ដែលផ្ដល់សេវាដឹកអ្នកដំណើរលឿនបំផុតក្នុងពិភពលោក។
យោងតាមសារព័ត៌មាន CNN ចុះផ្សាយកាលពីថ្ងៃទី៤ មករាកន្លងមកនេះបានឱ្យដឹងថា នៅក្នុងការដាក់ចំណាត់ថ្នាក់នេះ គេហទំព័រ AirlineRatings.com បានសង្កេតតាមដានរាល់សកម្មភាព របស់ក្រុមហ៊ុនអាកាសចរណ៍ចំនួន៣៨៥ទូទាំងពិភពលោក ដោយធ្វើការវាយតម្លៃ ទៅលើកត្តាជាច្រើន រួមមានទាំងកំណត់ត្រាយន្តហោះធ្លាក់ និងគ្រោះថ្នាក់ធ្ងន់ធ្ងរ ព្រមទាំងអាយុកាលនៃយន្តហោះ របស់ក្រុមហ៊ុនអាកាសចរណ៍ទាំងនោះផងដែរ។
លោក Geoffrey Thomas អគ្គនិពន្ធនាយកនៃគេហទំព័រនេះបានប្រាប់ CNN Travel ថា “បញ្ហាប្រឈមនៅឆ្នាំ២០២១ គឺចំនួនក្រុមហ៊ុនអាកាសចរណ៍ ដែលកំពុងដំណើរការជើងហោះហើរ ទោះបីជាក្រុមហ៊ុនអាកាសចរណ៍ ផ្ដល់សេវាដឹកអ្នកដំណើរលឿនបំផុតទាំង២០របស់យើង សុទ្ធតែបានបន្តដំណើរការជើងហោះហើរ ឬផ្អាកជើងហោះហើរតិចតួចយ៉ាងណាក្ដី” ។
សម្រាប់ឆ្នាំ២០២១នេះ គេហទំព័រខាងលើបានដាក់ចំណាត់ថ្នាក់លេខ១ ឱ្យទៅក្រុមហ៊ុនអាកាសចរណ៍ Qantas របស់ប្រទេសអូស្ត្រាលី។
គេហទំព័រដដែលបានកោតសរសើរ លើការប្ដេជ្ញាចិត្តរបស់ក្រុមហ៊ុនអាកាចរណ៍ Qantas ចំពោះការបណ្ដុះបណ្ដាលពីឡុត (អ្នកបើកយន្តហោះ) សាជាថ្មី មុននឹងអនុញ្ញាតឱ្យចូលបម្រើការងារវិញ ក្រោយឈប់សម្រាករយៈពេលវែង អំឡុងពេលឆ្លងរាតត្បាតវីរុសកូវីដ-១៩ ។
គេហទំព័រនេះបានរកឃើញថា ពីឡុតម្នាក់នៃយន្តហោះ Boeing 737 របស់ក្រុមហ៊ុនអាកាចរណ៍ Qantas ត្រូវឆ្លងកាត់វគ្គបណ្ដុះបណ្ដាលរយៈពេល៦ថ្ងៃ មុនពេលត្រលប់មកបើកយន្តហោះវិញ៕
