ដោយម៉ាលីនណា
ភ្នំពេញៈ ការចាត់ចំណាត់ថ្នាក់អ្នកមានឬអ្នកក្រនៅកម្ពុជា មិនមានស្ថាប័នឯករាជ្យណាមួយ វាយតម្លៃឲ្យបានជាក់លាក់នៅឡើយទេ ប៉ុន្តែស្រាប់តែស្ងាត់ៗលោកឧកញ៉ាគីម ហ៊ាងបានបង្ហាញពីចំណាត់ថ្នាក់អ្នកក្រ អ្នកមានជីវភាពមធ្យមគួរឲ្យចាប់អារម្មណ៍។
លោកឧកញ៉ាបណ្ឌិតគីម ហ៊ាង ប្រធាន KW Cambodia បានសរសេរលើបណ្តាញទំនាក់ទំនងសង្គមរបស់លោកកាលពីថ្ងៃទី៣ មករា ឆ្នាំ២០២១នេះ ដោយចាត់ចំណាត់ថ្នាក់អ្នកមានលុយក្នុងសង្គម ដែលមានលក្ខណៈសមហេតុផល ដោយបែងចែកអ្នកមានធនធានចំនួន៧ចំណាត់ថ្នាក់ដូចជា ទី១ អ្នកមានទ្រព្យសម្បត្តិក្រោម ១០ម៉ឺនដុល្លារ = អ្នកក្រ ទី២ មានទ្រព្យសម្បត្តិពី ១០មុឺនដុល្លារ ដល់ ៥០ម៉ឺនដុល្លារ = អ្នកមធ្យម លំដាប់ទាប។ ទី៣ មានទ្រព្យសម្បត្តិពី ៥០ម៉ឺនដុល្លារ ដល់ ២លានដុល្លារ = អ្នកមធ្យម!
ទី៤ មានទ្រព្យសម្បត្តិពី ២លានដុល្លារ ដល់ ៥លានដុល្លារ = អ្នកលើធម្យម! ទី៥ មានទ្រព្យសម្បត្តិពី ៥ដល់ ១០លានដុល្លារ = អ្នកមាន ទី៦ មានទ្រព្យសម្បត្តិចាប់ពី១០លាន ដល់៥០លានដុល្លារ = អ្នកមានលើមធ្យម និងទី៧ មានទ្រព្យសម្បត្តិពី៥០លាន ដល់ ១០០លានដុល្លារ = អ្នកមានពិត ហើយជាម្ចាស់លុយ ព្រោះបើលើសព ១០០លានដុល្លារ នោះលុយអាចជាម្ចាស់អ្នកវិញ៕
