ក្រុមការងារដ្ឋនិងឯកជនផ្នែកវិស័យកសិកម្មពិភាក្សាលើបញ្ហាប្រឈម និងដំណោះស្រាយចំនួន៥ចំណុច

ដោយៈ គង់ សូរិយា

    ភ្នំពេញៈ ក្រុមការងាររដ្ឋ និងវិស័យឯកជនផ្នែកកសិកម្ម​បានបើក​កិច្ចប្រជុំក្រុមការងារ ក្រុម”ក” “ផ្នែកកសិកម្ម និងកសិឧ​ស្សាហ​កម្ម” នៃវេទិការាជរដ្ឋាភិបាល-ផ្នែកឯកជន។

កិច្ចប្រជុំនេះបានធ្វើឡើងនៅទីស្តីការក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមជាអធិបតីភាពដឹកនាំ ដោយ​សហ​ប្រធានក្រុមការងារទាំងពីរគឺ លោកឌិត ទីណា រដ្ឋមន្ត្រីក្រសួងកសិ​កម្ម រុក្ខាប្រមាញ់ និងនេសាទ និងជាសហប្រធានក្រុមការងារ “ក” តំណាងផ្នែករដ្ឋាភិបាល និងឧកញ៉ាម៉ុង រិទ្ធថា សហប្រធានក្រុម​ការងារ “ក” តំណាងផ្នែកឯកជន។

កិច្ចប្រជុំនេះក៏មានការចូលរួមផងដែរ ពីសំណាក់តំណាងក្រសួង​ស្ថាប័ន្ថពាក់ព័ន្ធដៃលជាសមាជិក សមាជិកានៃក្រុមការងារ “ក” តំណាងផ្នែករដ្ឋាភិបាល និងតំណាងផ្នែកឯកជនដែលជាសមាជិក សមាជិកានៃក្រុមការងារ “ក” រួមនឹងតំណាងសមាគម អ្នកចិញ្ចឹម អ្នកផ្គត់ផ្គង់ អ្នកលក់និងទិញក្នុងវិស័យជលផលជាច្រើនទៀតផងដែរ។

កិច្ចប្រជុំនេះមានគោលបំណងដើម្បីពិគ្រោះ ពិភាក្សា និងដោះ​ស្រាយបញ្ហាប្រឈមរបស់ផ្នែកឯកជន ដែលផ្តោតសំខាន់លើវិស័យ​ជល​​ផល ដែលរួមមាន វារីវប្បករ អ្នកកែច្នៃ អ្នកនាំចូល-ចេញ និងអ្នកលក់ក្នុងវិស័យនេះ។

កិច្ចប្រជុំបានដំណើរការពិនិត្យ ពិភាក្សា និងដោះស្រាយ​ទៅលើ​បញ្ហាប្រឈមរបស់ផ្នែកឯកជនរួមមាន ទី១ ការផ្គត់ផ្គង់កូនត្រីពូជ ទី២ ការត្រួតពិនិត្យនៃការនាំចូលដើមទី ទី៣ បញ្ហានៃការចិញ្ចឹម និងទីផ្សា​រ​កង្កែប ទី៤ បរិមាណនៃការនាំចូលមិនសមមូល ​និងលិខិត​អនុញ្ញាត្តិ និងទី៥ បរិមាណនៃការផ្គត់ផ្គង់ក្នុងស្រុក និងការនាំចូល រួមនឹងបញ្ហា​ប្រឈមមួយចំនួនផ្សេងទៀតក្នុងវិស័យជលផលផងដែរ។