ដោយៈ ម៉ាណេត
ភ្នំពេញៈ ធនាគារអភិវឌ្ឍន៍អាស៊ី (ADB) បានដាក់ចេញគំនិតផ្តួចផ្តើម ៩ពាន់លានដុល្លារអាមេរិក ដើម្បីជួយប្រទេសសមាជិកអាចទទួល និងចែកចាយវ៉ាក់សាំង កូវីដ១៩ ។ នេះបើយោងតាមសេចក្តីប្រកាសរបស់ ADB នៅល្ងាចថ្ងៃទី១១ ខែធ្នូ ឆ្នាំ២០២០ ។
ប្រធានធនាគារអភិវឌ្ឍន៍អាស៊ី លោក Masatsugu Asakawa មានប្រសាសន៍ថា “នៅពេល សមាជិកជាប្រទេសកំពុងអភិវឌ្ឍន៍របស់ ADB ត្រៀមចាក់វ៉ាក់សាំងជូនប្រជាពលរដ្ឋរបស់ខ្លួន ឱ្យបានឆាប់បំផុតតាមដែលអាចធ្វើបាន ប្រទេសទាំងនោះត្រូវការហិរញ្ញប្បទាន ដើម្បីទទួលបានវ៉ាក់សាំង ក៏ដូចជា ផែនការ និងចំណេះដឹងសមស្រប ដើម្បីអាចគ្រប់គ្រងដំណើរការចាក់វ៉ាក់សាំង ដោយសុវត្ថិភាព” ។
លោកបានថ្លែងទៀតថា “កម្មពិធីទទួលវ៉ាក់សាំងអាស៊ីប៉ាស៊ីហ្វិក (APVAX) នឹងដើរតួយ៉ាងសំខាន់ ក្នុងការជួយសមាជិកជាប្រទេសកំពុងអភិវឌ្ឍន៍របស់យើង ដើម្បីដោះស្រាយ បញ្ហាទាំងនេះ ជំនះការរាតត្បាត និងផ្តោតលើការងើបឡើងវិញនៃសេដ្ឋកិច្ច” ។
ករណីវិជ្ជមានកូវីដ១៩ច្រើនជាង ១៤,៣ លានត្រូវបានរកឃើញនៅក្នុងតំបន់អាស៊ី និងប៉ាស៊ីហ្វិក ដែលក្នុងនោះមានមនុស្សស្លាប់ជាង ២០០.០០០ នាក់។ នៅពេលដែលជំងឺរាតត្បាតនៅតែបន្ត កំណើនសេដ្ឋកិច្ចនៅអាស៊ី កំពុងអភិវឌ្ឍន៍ត្រូវបានព្យាករណ៍ថា នឹងធ្លាក់ចុះ០,៤% នៅឆ្នាំ២០២០ ដែលជាការធ្លាក់ចុះផលិតផល ក្នុងស្រុកសរុបលើកដំបូងនៅក្នុងតំបន់ ចាប់តាំងពីឆ្នាំ១៩៦០ ។
ការលើកកម្ពស់ការទទួលវ៉ាក់សាំងបង្ការ ប្រកបដោយសុវត្ថិភាព សមភាព និងមានប្រសិទ្ធិភាពគឺជាអាទិភាពកំពូល ក្នុងកិច្ចប្រឹងប្រែងឆ្លើយតបនឹងជំងឺកូវីដ១៩ របស់ ADB ។ កម្មវិធីចាក់វ៉ាក់សាំងបង្ការ អាចបំបាត់ការរីករាលនៃជំងឺកូវីដ១៩ ជួយសង្គ្រោះអាយុជីវិត និងកាត់បន្ថយផលប៉ះពាល់សេដ្ឋកិច្ចអវិជ្ជមាន ដែលបណ្តាលមកពីជំងឺរាតត្បាត តាមរយៈការស្តារទំនុកចិត្តលើសមត្ថភាពរបស់មនុស្ស ក្នុងការធ្វើដំណើរការធ្វើដំណើរ និងសង្គមដោយសុវត្ថិភាព។
កម្មពិធី APVAX ផ្តល់នូវក្របខ័ណ្ឌទូលំទំលាយ និងធនធានសម្រាប់គាំទ្រដល់ការអភិវឌ្ឍការទទួលវ៉ាក់សាំងបង្ការនៅអាស៊ី ដោយប្រើសមាសធាតុផ្សំពីរ។ ផ្នែកឆ្លើយតបរហ័ស នឹងផ្តល់ការគាំទ្រទាន់ពេលវេលា សម្រាប់ការធ្វើរោគវិនិច្ឆ័យវ៉ាក់សាំងសំខាន់ៗ លទ្ធកម្មវ៉ាក់សាំង និងដឹកជញ្ជូនវ៉ាក់សាំងពីកន្លែងទិញ ទៅសមាជិកកំពុងអភិវឌ្ឍន៍របស់ ADB ។
ផ្នែកគម្រោងវិនិយោគនឹងគាំទ្រ ដល់ការវិនិយោគនៅក្នុងប្រព័ន្ធ សម្រាប់ការចែកចាយ ការដឹកជញ្ជួន និងការគ្រប់គ្រងវ៉ាក់សាំងដោយជោគជ័យ រួមជាមួយនឹងការវិនិយោគពាក់ព័ន្ធ ក្នុងការកសាងសមត្ថភាពការផ្សព្វផ្សាយតាមសហគមន៍ និងការឃ្លាំមើល។
នេះអាចរួមបញ្ចូលទាំងតំបន់ ដូចជាកន្លែងរក្សាទុកត្រជាក់ និងការដឹកជញ្ជូនយានយន្ត ហេដ្ឋារចនាសម្ព័ន្ធចែកចាយ កន្លែងកែច្នៃ និងការវិនិយោគរូបវន្តផ្សេងទៀត។ សមាសធាតុនេះក៏អាចត្រូវបានប្រើ ដើម្បីអភិវឌ្ឍន៍ ឬពង្រីកសមត្ថភាពផលិតវ៉ាក់សាំង ក្នុងការអភិវឌ្ឍសមាជិក៕
