ដោយ: គង់ លាងហួរ
អន្តរជាតិ: តម្លៃប្រេងឆៅបានធ្លាក់ចុះនៅព្រឹកថ្ងៃសុក្រនេះ ខណៈតម្រូវការថយចុះ ដោយក្នុងនោះអង្គការ OPEC+បានប្រកាសពន្យារពេលនៃផែនការបង្កើនការផ្គត់ផ្គង់ និងបានសម្រេចចិត្តបន្តកាត់បន្ថយទិន្នផលប្រេងដល់ចុងឆ្នាំ២០២៦។
តួយ៉ាង តម្លៃប្រេងឆៅ Brent futures បានធ្លាក់ចុះ៩សេនមកត្រឹម៧២ដុល្លារក្នុងមួយបារ៉ែលគិតត្រឹមម៉ោងសកល 0116 GMT ខណៈតម្លៃប្រេងឆៅរបស់អាមេរិក WTI futures បានធ្លាក់ចុះ៤សេនមកនៅត្រឹម៦៨,២៧ដុល្លារក្នុងមួយបារ៉ែល។
ការសម្រេចចិត្តរបស់អង្គការនៃបណ្តាប្រទេសនាំចេញប្រេង(OPEC+) បានធ្វើឡើង ក្នុងកិច្ចប្រជុំកាលពីថ្ងៃព្រហស្បតិ៍ម្សិលមិញ ខណៈតម្រូវការប្រេងសកលថយចុះ ជាពិសេសនៅប្រទេសចិន និងការបង្កើនការផលិតប្រេងនៅបណ្តាប្រទេសផ្សេងទៀត ដែលបានបង្ខំឱ្យអង្គការនេះផ្អាកផែនការបង្កើនផលិតកម្មរបស់ខ្លួនជាច្រើនដង៕
