តម្លៃ​ប្រេង​ឆៅនៅលើទីផ្សារអន្តរជាតិបាន​បន្តកើនឡើង​នៅថ្ងៃ​ច័ន្ទ​នេះ

ដោយ: គង់ លាងហួរ
អន្តរជាតិ: តម្លៃ​ប្រេង​ឆៅបាន​បន្តកើនឡើង​នៅថ្ងៃ​ច័ន្ទ​នេះ បន្ទាប់​ពី​បាន​កើនឡើង៦%កាលពី​សប្តាហ៍​មុន ដោយសារ​ភាព​តានតឹង​ភូមិសាស្ត្រ​នយោបាយ​​រវាង​មហាអំណាច​លោកខាងលិច និង​បណ្តាប្រទេស​ផលិត​ប្រេង​ធំៗ​ដូចជា​រុស្ស៊ី និង​អុីរ៉ង់ ដែល​បង្កើន​ហានិភ័យ​លើការផ្គត់ផ្គង់​។

តួយ៉ាង តម្លៃប្រេងឆៅប្រភេទ Brent futures បានកើនឡើង១៣សេន ឬ០,២ភាគរយដល់៧៥,៣០ដុល្លារក្នុងមួយបារ៉ែលគិតត្រឹមម៉ោងសកល 0115 GMT។

ចំណែកឯ តម្លៃប្រេងឆៅរបស់សហរដ្ឋអាមេរិក U.S. West Texas Intermediate futures បានកើនឡើង១៤សេន ឬ០,២ភាគរយដល់៧១,៣៨ដុល្លារក្នុងមួយបារ៉ែលគិតត្រឹមម៉ោងដូចគ្នា៕