ដោយៈ គង់ ម៉ាលីនណា
ភ្នំពេញៈ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោកឌិត ទីណា បានដឹកនាំកិច្ចប្រជុំលើសំណើរពិនិត្យដោះស្រាយលើបញ្ហាប្រឈម និងសំណូមពររបស់វិស័យឯកជន នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
បន្ទាប់ពីបានទទួលស្តាប់សេចក្តីរាយការណ៍លោករដ្ឋមន្ត្រីបានគូសបញ្ជាក់ថាវិស័យឯកជនចាំបាច់ត្រូវធ្វើការសិក្សាឲ្យបានច្បាស់លាស់ក្តោបព័ត៌មាននិងស្ថានការណ៍ឱ្យបានត្រឹមត្រូវគ្រប់ជ្រុងជ្រោយទើបអាចវិភាគនិងវាយតម្លៃបញ្ហាប្រឈមនានាចំគោលដៅនិងមានប្រសិទ្ធភាព។
លោករដ្ឋមន្ត្រីឌិតទីណាបានបន្ថែមថាវិស័យឯកជនត្រូវសហការរួមគ្នាចងក្រងគ្រប់ភាគីពាក់ព័ន្ធទាំងអស់ស្វែងយល់និងរកហេតុផលច្បាស់លាស់ដើម្បីកាត់បន្ថយហានិភ័យខ្ពស់។
បើតាមរដ្ឋមន្ត្រីបានបញ្ជាក់ថា “ការកសាងទំនុកចិត្តទាំងអស់គ្នា គឺជាកត្តាចាំបាច់ក្នុងការសហការ ស្វែងរកដំណោះស្រាយដែលល្អ ទទួលយកបាន ព្រមទាំងទទួលបានផលចំនេញ និងមាននិរន្តរភាពសេដ្ឋកិច្ច”។ លោកបន្តថា “ទន្ទឹមនឹងនេះ ឯកឧត្តមរដ្ឋមន្ត្រី ណែនាំឱ្យមានការពង្រឹងខ្សែ ច្រវាក់តម្លៃ ប្រកបដោយបរិយាបន្ន និងមានភាពតែមួយ”៕
