ដោយៈ និស្ស័យ
ភ្នំពេញៈ ភាគីកាណាដាបានចាប់អារម្មណ៍ ចំពោះវឌ្ឍនភាពរបស់កម្ពុជា ពិសេសចង់វិនិយោគលើវិស័យអប់រំនៅកម្ពុជា។
ព៌តមាននេះត្រូវបានលើកឡើង នារសៀល ថ្ងៃទី០៥ ខែមិថុនា ឆ្នាំ២០២៤ ក្នុងពេលលោកបណ្ឌិតហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ទទួលជួបសម្តែងការគួរសម និងពិភាក្សាការងារជាមួយប្រតិភូ Chamber of Commerce And Industrial Saint Laurant ដឹកនាំដោយលោក Mo Kelvin ប្រធានសភាពាណិជ្ជកម្មកម្ពុជា (ម៉ុងត្រេអាល់) និងជាប្រធានក្រុមហ៊ុន Global Health Service Group Inc. BCMMO Inc.។
គោលបំណងនៃជំនួបនេះ គឺដើម្បីពិភាក្សាស្វែងយល់អំពីសក្ដានុពលនៃឱកាសវិនិយោគក្នុងវិស័យអប់រំ យុវជន និងកីឡានៅកម្ពុជា។
ប្រធានសភាពាណិជ្ជកម្មកម្ពុជា (ម៉ុងត្រេអាល់) បានគូសបញ្ជាប់ពីចំណាប់អារម្មណ៍ ក្នុងការស្វែងយល់អំពីទិដ្ឋភាព នៃការវិនិយោគលើវិស័យអប់រំ ក៏ដូចជា សិក្សាពីឱកាសវិនិយោគក្នុងវិស័យអប់រំ យុវជន និងកីឡា នៅកម្ពុជាក្នុងនាមជាអ្នកវិនិយោគ មកពីប្រទេសកាណាដា និងតំបន់អាស៊ីប៉ាស៊ីហ្វិក។
ភាគីកាណាដា ផ្ដោតលើ ៦ចំណុច ដូចជា៖ (១). គំនិតផ្ដួចផ្ដើម និងឱកាសនៃការអប់រំ (២). ការអភិវឌ្ឍន៍ និងការចូលរួមរបស់យុវជន (៣). ការអភិវឌ្ឍន៍កីឡា និងការកម្សាន្ត៖ ចក្ខុវិស័យរបស់រដ្ឋាភិបាលសម្រាប់ ការអភិវឌ្ឍន៍កីឡា និងសកម្មភាពកម្សាន្តនៅកម្ពុជា (៤). ភាពជាដៃគូសាធារណៈ និងឯកជន (៥). ផលប៉ះពាល់នៃការវិនិយោគ៖ វិនិយោគិនបរទេសគួរធ្វើដូចម្តេច ដើម្បីធានាថាការវិនិយោគរបស់ពួកគេស្របតាមគោលដៅនៃការអភិវឌ្ឍន៍សង្គម និងសេដ្ឋកិច្ចរបស់រាជរដ្ឋាភិបាល (៦). ផែនការ និងគំនិតផ្ដួចផ្ដើមនាពេលអនាគត។
បណ្ឌិតសភាចារ្យ ឧបនាយករដ្ឋមន្ត្រីហង់ ជួន ណារ៉ុន បានគូសបញ្ជាក់ពីគោលដៅអាទិភាព មួយចំនួនក្នុងវិស័យអប់រំ ដែលមានក្នុងយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ដើម្បីធានាដល់ការអភិវឌ្ឍន៍ធនធានមនុស្ស ដែលមានដូចជា ទី១- ការលើកកម្ពស់ការអប់រំសីលធម៌៖ រដ្ឋាភិបាលមានគោលដៅ លើកកម្ពស់គុណភាព
នៃការអប់រំ កីឡា វិទ្យាសាស្ត្រ និងបច្ចេកវិទ្យា។
នេះរួមបញ្ចូលទាំងការលើកកម្ពស់ការអប់រំ STEM និងការអប់រំសីលធម៌នៅគ្រប់កម្រិតអប់រំ ក៏ដូចជាការកែលម្អការអប់រំកាយ និងកម្មវិធីកីឡា ដើម្បីធានាថា យុវជនគ្រប់រូបមានជំនាញកីឡាតែមួយ។
ទី២ ការបណ្ដុះបណ្ដាលជំនាញបច្ចេកទេស៖ រដ្ឋាភិបាលស្វែងរកការកែទម្រង់បច្ចេកទេស និងវិជ្ជាជីវៈ វិស័យបណ្ដុះបណ្ដាលដោយការបង្កើនការចុះឈ្មោះចូលរៀន ការលើកកម្ពស់ជំនាញ និងបង្កើនជំនាញ និងដោះស្រាយភាពមិនស៊ីគ្នានៃជំនាញ។ គោលដៅគឺដើម្បីបង្រួបបង្រួមគម្លាតជំនាញ និងបំពេញការវិវត្តន៍តម្រូវការ នៃឧស្សាហកម្ម។
ទី៣ -ឧត្ដមសិក្សា និងនវានុវត្តន៍៖ ការជំរុញកម្មវិធីសិក្សា ការស្រាវជ្រាវ សមត្ថភាព និងការច្នៃប្រឌិតនៅក្នុងគ្រឹះស្ថានឧត្ដមសិក្សា ភាពជាដៃគូសហការ ជាមួយនឹងសាកលវិទ្យាល័យ និងស្ថាប័នស្រាវជ្រាវអាចជំរុញកំណើនសេដ្ឋកិច្ច និងការច្នៃប្រឌិត។
លោករដ្ឋមន្ត្រីបានគូសរំលេចថា វិនិយោគិនបរទេសអាចគាំទ្រ និងចូលរួម ក្នុងការអភិវឌ្ឍន៍ហេដ្ឋារចនាសម្ព័ន្ធអប់រំ បច្ចេកវិទ្យា និងកម្មវិធីជាច្រើន ដូចជា ៖ (១). ការវិនិយោគលើហេដ្ឋារចនាសម្ព័ន្ធអប់រំ និងការកែលម្អកន្លែងអប់រំ រួមទាំងសាលារៀន សាកលវិទ្យាល័យ និងវិជ្ជាជីវៈ មជ្ឈមណ្ឌលបណ្ដុះបណ្ដាល (២). សមាហរណកម្មបច្ចេកវិទ្យា (៣). កម្មវិធីបណ្ដុះបណ្ដាលវិជ្ជាជីវៈ(៤). ភាពជាដៃគូជាមួយគ្រឹះស្ថានឧត្ដមសិក្សា។
(៥). កម្មវិធីអប់រំអន្តរជាតិ (៦). ការបង្កើតមជ្ឈមណ្ឌលសាកលវិទ្យាល័យអន្តរជាតិ ដោយបង្កើតសាខា ឬសហការជាមួយស្ថាប័នដែលមានស្រាប់ ដើម្បីទាក់ទាញសិស្សអន្តរជាតិ និងជំរុញការផ្លាស់ប្ដូរចំណេះដឹង៕
