ដោយៈ វីរៈ
ភ្នំពេញៈ រដ្ឋលេខាធិការក្រសួងសាធារណៈការ និងដឹកជញ្ជូន លោករស់ វណ្ណា បានបើកប្រជុំបើកពិនិត្យឯកសារ Expressions of Interest (EOI) សម្រាប់ជ្រើសរើសក្រុមហ៊ុន ទីប្រឹក្សាបច្ចេកទេសសម្រាប់ការងារសិក្សាលម្អិត និងត្រួតពិនិត្យការងារសាងសង់ទីលានទុកដាក់សំរាម។
គោលបំណងនៃកិច្ចប្រជុំ គឺដើម្បីពិនិត្យកត់ត្រាអំពីក្រុមហ៊ុនដាក់ឯកសារ EOI និងពិភាក្សាអំពីការវាយតម្លៃ និងផ្តល់ពិន្ទុលើឯកសារ Expressions of Interest (EOI) ក្នុងការជ្រើសរើសក្រុមហ៊ុនទីប្រឹក្សាបច្ចេកទេស សម្រាប់ការងារសិក្សាលម្អិត និងត្រួតពិនិត្យការងារសាងសង់ទីលានទុកដាក់សំរាម ក្នុងខេត្តសៀមរាប ខេត្តកំពង់ស្ពឺ និងខេត្តកណ្តាល (MPWT-CS-01) នៃគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិក៕