ដោយៈ សូរិយា
ភ្នំពេញៈអគ្គនាយកក្រុមហ៊ុន KFA លោកឧកញ៉ានួន រិទ្ឋី ដែលត្រូវបានគេស្គាល់ថា ជាមនុស្សជំនិតរបស់អ្នកឧកញ៉ា គិត ម៉េង មហាសេដ្ឋីដ៏ល្បីឈ្មោះរបស់កម្ពុជា បានទម្លាយអំពីការទូន្មាន និងណែនាំរបស់ឧកញ៉ា គិត ម៉េងក្នុងការធ្វើជំនួញឲ្យទទួលបានការរីកមច្រើន។
ការទម្លាយឲ្យដឹងបែបនេះ ធ្វើឡើងក្នុងឱកាសដែលរបស់ឧកញ៉ា នួន រិទ្ធី អញ្ជើញចូលរួម ក្នុងកិច្ចពិភាក្សាមួយកាលពីដើមសប្តាហ៍នេះ។
បន្ថែមពីនោះ ឧកញ៉ា នួន រិទ្ធី បានលើកឡើងថា ក្នុងរយៈពេលចុងក្រោយនេះ អ្នកឧកញ៉ាគិត ម៉េង គឺជាគំរូរបស់យុវជនជំនាន់ក្រោយ ជាពិសេសតាមយុទ្ធសាស្ដ្រ របស់អ្នកឧកញ៉ា គឺ”Blue Ocean” ដែលជាការរកស៊ីប្រៀបបាន នឹងការវាស់ស្ទង់ អំពីកម្រិតការប្រៀបធៀប។
លោកឧកញ៉ា នួន រិទ្ធី បានបញ្ជាក់ថា យុទ្ធសាស្ដ្រ “Blue Ocean”ឬសមុទ្រខៀវ មានន័យថា រកស៊ីក្នុងស្រុកដូចទឹកមួយថ្លុក រកស៊ី ក្នុងប្រទេសដូចទឹកទន្លេ និងស្ទឹង…បើចង់រកស៊ីមានបាន ត្រូវទាញភ្ញៀវពីក្រៅប្រទេស ដែលប្រៀបដូចជា មហាសមុទ្រ។ លោកបន្តថា អ្នកឧកញ៉ា គិត ម៉េង តែងទូន្មានឱ្យរកស៊ីដោយគោរពច្បាប់ និងមានភាពស្មោះត្រង់៕