ដោយ: គង់ លាងហួរ
អន្តរជាតិ: តម្លៃហាងឆេងមាសបានស្ថិតនៅទ្រឹងនៅថ្ងៃព្រហស្បតិ៍នេះ ខណៈប្រាក់ដុល្លារបានងើបឡើងថ្លៃ បន្ទាប់ពីទិន្នន័យនៃការលក់រាយដ៏រឹងមាំនៅសហរដ្ឋអាមេរិក បានបំផ្លាញក្តីសង្ឃឹមដែលថា ធនាគារកណ្តាលអាមេរិក(Fed) បានឈានដល់ទីបញ្ចប់នៃការរឹតបន្តឹងគោលនយោបាយរូបិយវត្ថុរបស់ខ្លួន។
តួយ៉ាង តម្លៃ Spot Gold មានការប្រែប្រួលតិចតួច មកនៅត្រឹម១៩៥៨,៧៩ដុល្លារ ក្នុងមួយអោន គិតត្រឹមម៉ោងសកល 0128 GMT។
ចំណែកឯ តម្លៃមាសរបស់សហរដ្ឋអាមេរិក U.S. gold futures បានធ្លាក់ចុះ០,១ភាគរយ មកនៅត្រឹម១៩៦១,៧០ដុល្លារ ក្នុងមួយអោន។នេះបើយោងតាមការចុះផ្សាយដោយសារពត៌មាន Reuters។
ជាមួយគ្នានេះ តម្លៃលោហៈធាតុប្រាក់ Spot silver បានធ្លាក់ចុះ០,២% ដល់២៣,៣៩ដុល្លារ ក្នុងមួយអោន ខណៈតម្លៃផ្លាទីនបានធ្លាក់ចុះ០,៣% ដល់៨៩៣,៣៧ដុល្លារ ក្នុងមួយអោន ហើយតម្លៃ Palladium បានស្ថិតនៅទ្រឹងត្រឹម១០៣១,៤០ដុល្លារ ក្នុង មួយ អោន។
បន្ថែមពីនេះ ក្រុមពាណិជ្ជកររំពឹងថា ធនាគារ Fed នឹងរក្សាទុកអត្រាការប្រាក់ឱ្យនៅថេរដដែល ក្នុងកិច្ចប្រជុំគោលនយោបាយប្រចាំខែធ្នូខាងមុខ ហើយភ្នាល់ថា ធនាគារនេះនឹងចាប់ផ្តើមកាត់បន្ថយអត្រាការប្រាក់នៅខែឧសភា ឆ្នាំ២០២៤។ នេះបើយោងតាមគេហទំព័រ CME FedWatch៕