ដោយ: គង់ លាងហួរ
អន្តរជាតិ: ថ្លៃចំណាយលើកញ្ចប់ប្រាក់ឈ្នួល សម្រាប់ជនបរទេស(Expat pay packages)នៅប្រទេសសិង្ហបុរី បានកើនឡើង៤% កាលពីឆ្នាំមុន ខណៈថ្លៃចំណាយលើប្រាក់ឈ្នួល សម្រាប់ពលករបរទេសនៅទីក្រុងហុងកុងបានធ្លាក់ចុះ។
នេះបើយោងតាមការសិក្សាថ្មីមួយ ដោយក្រុមហ៊ុនប្រឹក្សាបរទេស ECA International ។កញ្ចប់ប្រាក់បៀវត្សរ៍ និងកញ្ចប់អត្ថប្រយោជន៍សរុប សម្រាប់អ្នកគ្រប់គ្រងជាជនបរទេស(Average expat middle managers) នៅសិង្ហបុរី បានកើនឡើងដល់២៥៨.៧៦២ដុល្លារអាមេរិក ដែលភាគច្រើនបណ្តាលមកពីតម្លៃជួលខ្ពស់ជាងមុន។
ការកើនឡើងនេះ បានបង្រួមគម្លាតជាមួយ នឹងគូប្រជែងរបស់ប្រទេសសិង្ហបុរី ពោលគឺទីក្រុងហុងកុង ដែលរកឃើញថា កញ្ចប់ប្រាក់បៀវត្សរ៍ជនបរទេសជាធម្មតា បានធ្លាក់ចុះ២% មកត្រឹម២៧៨.០២០ដុល្លារ។
ទោះបីជាមានការធ្លាក់ចុះ នៅក្នុងលក្ខខណ្ឌជាក់ស្តែងក៏ដោយក្តី ក៏ទីក្រុងហុងកុង បានងើបឡើងរហូត ដល់ទៅ៣ចំណាត់ថ្នាក់ ឆ្ពោះទៅក្លាយជាទីក្រុង ដែលមានតម្លៃថ្លៃបំផុតទី៥ របស់ពិភពលោកក្នុងការបញ្ជូនពលករបរទេស ខណៈសិង្ហបុរីឈរនៅលេខរៀងទី១៦៕
